ამბები




ეჭვმიტანილმა, რომელიც გასულ წელს დააკავეს, ყაჩაღობის სხვა ფაქტებიც აღიარა


ეჭვმიტანილმა, რომელიც გასულ წელს დააკავეს,   ყაჩაღობის სხვა ფაქტებიც  აღიარა


შსს -ს მიერ გავრცელებულ ინფორმაციაში ნათქვამია "სამართალდამცველებმა, ჩატარებული ოპერატიული მოქმედებების შედეგად, ნუგზარ გ. ფალიაშვილის ქუჩაზე დააკავეს. პოლიციამ, დაკავებულის პირადი ჩხრეკისას, ბანკიდან გატაცებული ფული - 2000 ევრო, 6000 აშშ დოლარი და 4000 ლარი, ასევე, 2 ცეცხლსასროლი იარაღი, 2 მჭიდი, 44 საბრძოლო ვაზნა, ჯავშანჟილეტი და ნიღაბი ნივთმტკიცებად ამოიღო. ბრალდებულის საცხოვრებელი ბინის სარდაფის ჩხრეკისას ამოღებულია სხვადასხვა ტიპის 12 ცეცხლსასროლი იარაღი და ჯავშანჟილეტი.

გამოძიებით დადგინდა დაკავებული პირის კავშირი ბოლო პერიოდში ბანკებში მომხდარ ყაჩაღობის სხვა ფაქტებთან, რაც ბრალდებულმა თავის ჩვენებაშიც დაადასტურა. კერძოდ:

2012 წლის იანვარში ნუგზარ გ.-მ თბილისში, დავით აღმაშენებლის ქუჩაზე, N184-ში მდებარე იარაღის მაღაზია „გლოკი" დააყაჩაღა, სადაც ცეცხლსასროლი იარაღიდან გასროლით ჯანმრთელობის დაზიანება მიაყენა აღნიშნული მაღაზიის დაცვის თანამშრომელს და 11 ცალი პისტოლეტი გაიტაცა.

2013 წლის 29 იანვარს თბილისში, ნუცუბიძის ქუჩაზე მდებარე „საქართველოს ბანკის" ფილიალი დააყაჩაღა, საიდანაც 11000 ლარი, 2300 აშშ დოლარი და 2000 ევრო გაიტაცა.

2013 წლის 21 აგვისტოს თბილისში, ყაზბეგის ქუჩაზე მდებარე „საქართველოს ბანკი" დააყაჩაღა, საიდანაც 23000 ლარი, 10000 აშშ დოლარი და 250 ევრო გაიტაცა.

2014 წლის 20 მარტს თბილისში, ყაზბეგის გამზირზე, „საქართველოს ბანკი" დააყაჩაღა, საიდანაც 4000 ევრო, 12500 ლარი და 2000 აშშ დოლარი გაიტაცა.

2014 წლის 7 აპრილს თბილისში, ნუცუბიძის ქუჩაზე მდებარე „საქართველოს ბანკი" დააყაჩაღა, საიდანაც 8000 ლარი, 4000 ევრო და 11000 აშშ დოლარი გაიტაცა.

2015 წლის 4 თებერვალს თბილისში, მუხიანის პირველ მიკრორაიონში მდებარე „საქართველოს ბანკის" ფილიალი დააყაჩაღა, საიდანაც 5000 ლარი, 5000 ევრო და 15000 აშშ დოლარი გაიტაცა.

2015 წლის 24 აპრილს თბილისში ბაზალეთის ქუჩაზე მდებარე „საქართველოს ბანკის" ფილიალი დააყაჩაღა, საიდანაც 3000 აშშ დოლარი, 3000 ევრო და 17000 ლარი გაიტაცა.

გამოძიება მიმდინარეობს ყაჩაღობის (საქართველოს სსკ-ის 179-ე მუხლის მე-3 ნაწილით), ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის და ტარების (საქართველოს სსკ-ის 236-ე მუხლის მე-2 და მე-3 ნაწილებით) და პოლიციელთა მიმართ წინააღმდეგობის ფაქტზე (საქართველოს სსკ-ის 353-ე მუხლის 1-ლი ნაწილით).


[media=http://police.ge/ge/shss-s-mier-tskhel-kvalze-dakavebuli-piri-kachaghobis-skhva-shemtkhvevebshits-figurirebs/9197]




скачать dle 12.0

Avatar
T:555 000 289
თეგები:

Facebook კომენტარები

შემოთავაზებული სიახლეები

ჩვენ სოციალურ ქსელებში

ჩამოტვირთეთ Google Play-დან

ჩვენს შესახებ

    შპს დამოუკიდებელი ტელეკომპანია მეგატვ–ს მისიაა მედიაბიზნესის განვითარება და დემოკრატიული სახელმწიფოს შენებაში აქტიური მონაწილეობა. კომპანიის ხედვის ხაზი იმ ღირებულებებზე გადის, რომელიც მედიის საანდოობას , დამოუკიდებლობასა და მიუკერძოებლობას განსაზღვრავს. ახალი ტექნოლოგიების დანერგვა, პროფესიული ზრდისა და კვალიფიკაციის ამაღლება, ფინანსური და სარედაქციო დამოუკიდებლობისათვის მუდმივი ძალისხმევა კომპანიისათვის მუდმივად პრიორიტეტია.

ჩვენი ელ-ფოსტა

tvcompanymegatv@gmail.com