ამბები

შვილებს შორის უფროსი ყველაზე ჭკვიანია - უახლესი კვლევები


  შვილებთან დაკავშირებით უამრავი სტერეოტიპი არსებობს. მაგალითად, ხშირად ამბობენ, რომ მშობლებს ბოლო შვილი განსაკუთრებით უყვართ და ანებივრებენ, მეორე შვილზე ერთნაირად გამოხატული დამოკიდებულება არ აქვთ, ხოლო პირველს ანუ ყველაზე უფროსს, ყველაზე ჭკვიანად მიიჩნევენ. ეს რა თქმა უნდა ერთგვარი სტერეოტიპია, თუმცა, ვისკონსის-მედისონის უნივერსიტეტის საზოგადოებრივი კვლევების მიმართულების მიერ ჩატარებულმა კვლევამ, რომელიც ახლახანს გამოქვეყნდა ამავე უნივერსიტეტის ჟურნალში, აჩვენა, რომ ეს სტერეოტიპი, შესაძლოა, სიმართლესაც შეესაბამებოდეს.

  როგორც ირკვევა, პირველი შვილი, ყოველთვის მეტად წარმატებულია ვიდრე მისი უმცროსი და-ძმა. ასევე, ამტკიცებენ, რომ უფროსები, განსაკუთრებული ინტელექტუალური შესაძლებლობებითაც არიან დასაჩუქრებულნი. დაკვირვებამ ცხადყო, რომ ყველაფერი, რისი გაკეთებაც ბავშვებს აუცილებლად უწევთ, გაცილებით კარგად გამოსდით უფროსებს, ვიდრე შემდგომში მათ უმცროს თაობას.

  ეს უახლესი კვლევა ეფუძნება ძალიან დიდ კვლევას, რომელიც 1979 წელს დაიწყო, უფრო სწორად კი მოზარდების პირველი გამოკითხვა ჩატარდა. ეს იყო ბავშვებთან და მოზარდებთან დაკავშირებული მოვლენების ნაციონალური შესწავლა, რომლისთვისაც შეირჩა ათასობით ამერიკელი მოზარდი 14-დან 21 წლამდე. მონაცემები მოიცავს ისეთ ინფორმაციას, როგორიცაა დასაქმება, შემოსავალი, განათლების ხარისხი და სხვ. კვლევაში მონაწილე ახალგაზრდების უმრავლესობასთან კვლევის ავტორები რეგულარულ ინტერვიუს ატარებდნენ. მათ შეისწავლეს ისეთი მონაცემებიც, როგორიცაა, მათი დაბადების მოწმობები, ადრეული ბავშვობის ჯანმრთელობის ისტორიები, სკოლაში ჩატარებული ტესტების შედეგები, ოჯახში არსებული პირობები და ა.შ.

  მკვლევარების თქმით, გამოიკვეთა ტენდენცია, რომელიც ასე გამოიყურება: მშობლების დამოკიდებულება პირველი შვილების მიმართ, საკმაოდ მსუბუქი და ლაღია, ხოლო მომდევნო შვილების შემთხვევაში პირიქით. მშობლების დამოკიდებულება უმცროსების მიმართ ნაკლები ყურადღებით შემოიფარგლება. თუ უფროსების შემთხვევაში, ისინი ძალიან ბევრ დროს უთმობენ მათ შემეცნებას, პატარების შემთხვევაში შემეცნების პროცესი მხოლოდ ძირითად და აუცილებლად საჭირო აქტივობებს ეთმობა. მშობლები თანაბრად უნაწილებენ სითბოსა და სიყვარულს ყველას, თუმცა, განსაკუთრებული გონებრივი სტიმულირების საშუალება მხოლოდ უფროსებს აქვთ.

  მკვლევარები ამტკიცებენ, რომ ბავშვის განვითარებაზე ზრუნვა მშობლებმა, სასურველია, მაშინ დაიწყონ, როცა იგი დამოუკიდებელ აზროვნებას ეჩვევა. ისინი ამბობენ, რომ ამ დროს ბავშვის გონების განვითარებისა და მისი პიროვნებად ჩამოყალიბების პროცესი, განსაკუთრებით სწრაფია და სწორედ მაშინ სჭირდება მას მშობლის დახმარება და ყურადღება!

  როგორც ვხედავთ, ერთი შეხედვთ სტერეოტიპული შეხედულებები კვლევებით დასტურდება და ფაქტებად ვლინდება. სტატისტიკურად, მართლაც უფროს შვილთა ინტელექტუალური განვითარების კოეფიციენტი ბევრად სჭარბობს უმცროსებისას. საერთაშორისო პრაქტიკა იმასაც აჩვენებს, რომ უმცროსები იშვიათად ამთავრებენ საშუალო სკოლებს და გაცილებით ხშირად ხდებიან არასრულწლოვანი დედები ან კრიმინალში ეჭვმიტანილები.
მოკლედ, მშობლების "უსაყვარლესი" უფროსები, როგორც ამტკიცებენ, გაცილებით არიან მიდრეკილები ჯანმრთელობისა და გონიერებისკენ!
trend.ge
скачать dle 12.0

Avatar
T:555 000 289
თეგები:

Facebook კომენტარები

შემოთავაზებული სიახლეები

ჩვენ სოციალურ ქსელებში

ჩამოტვირთეთ Google Play-დან

ჩვენს შესახებ

    შპს დამოუკიდებელი ტელეკომპანია მეგატვ–ს მისიაა მედიაბიზნესის განვითარება და დემოკრატიული სახელმწიფოს შენებაში აქტიური მონაწილეობა. კომპანიის ხედვის ხაზი იმ ღირებულებებზე გადის, რომელიც მედიის საანდოობას , დამოუკიდებლობასა და მიუკერძოებლობას განსაზღვრავს. ახალი ტექნოლოგიების დანერგვა, პროფესიული ზრდისა და კვალიფიკაციის ამაღლება, ფინანსური და სარედაქციო დამოუკიდებლობისათვის მუდმივი ძალისხმევა კომპანიისათვის მუდმივად პრიორიტეტია.

ჩვენი ელ-ფოსტა

tvcompanymegatv@gmail.com