ამბები

"ქართული ოცნების" 10 დღიანი ღონისძიებების ციკლი წყალტუბოს ტურისტული პოტენციალის წარმოსაჩენად


  "ქართული ოცნების" 10 დღიანი ღონისძიებების ციკლი წყალტუბოს ტურისტული პოტენციალის წარმოსაჩენად

 

„ქართული ოცნება - დემოკრატიული საქართველოს" წყალტუბოს მაჟორიტარი დეპუტატობის კანდიდატმა, ცოტნე ზურაბიანმა მედიისთვის ბრიფინგი გამართა. ბრიფინგზე ცოტნე ზურაბიანმა შეაფასა მოსახლეობასთან შეხვედრების პირველი ეტაპი და 10 დღიანი ღონისძიებების ციკლი დაანონსა.

ცოტნე ზურაბიანის თქმით, ღონისძიებების მთავარი მიზანი არის წყალტუბოს, როგორც ტურისტული და ბალნეოლოგიური ცენტრის პოტენციალის ჩვენება საზოგადოების ფართო სპექტრისთვის. ასევე, მისი წარმოჩენა, როგორც ბიზნეს საქმიანობის ხელშემწყობი გარემო.

„დღეიდან ვიწყებ ათ დღიან ღონისძიებების ციკლს წყალტუბოს ტურისტული ინფრასტრუქტურის პოპულარიზაციისთვის. მაქსიმალურად გვექნება წარმოჩენილი წყალტუბოს, როგორც მწვანე ქალაქის პოტენციალი. ჩატარდება ადგილობრივ მცირე და საშუალო ბიზნესთან და მეწარმეებთან შეხვედრა, ბიზნეს ფორუმი - თითოეულ შეხვედრაზე წარმოჩენილი იქნება წყალტუბოს ტურისტული პოტენციალი და საუბარი იქნება თუ რატომ არის წყალტუბო კარგი ადგილი ინვესტიციის ჩადებისთვის. თითოეული დღე წყალტუბოსთვის მნიშვნელოვანია", -აღნიშნა ცოტნე ზურაბიანმა.

მისივე თქმით, წყალტუბოში ასევე გაკეთდა ახალგაზრდული სივრცე - დაწესებულება მოემსახურება ნებისმიერ დაინტერესებულ პირს, რომელსაც სურს ჩაატაროს სხვადასხვა საგანმანათლებლო შეხვედრები/ტრენინგები; კეთდება „ვირტუალური ტური წყალტუბოში", რომელიც კიდევ უფრო კარგად წარმოაჩენს კურორტის პოტენციალს. იწყება კამპანია წყალტუბო „მწვანე ქალაქი", რომლის მიზანია ეკოლოგიური განათლების კუთხით ხელი შეეწყოს გარემოს დაცვასა და ცნობიერების ამაღლებას.

აღნიშნული ღონისძიებების ციკლი, რომელიც ათი დღის განმავლობაში ჩატარდება,  წყალტუბოს ტურისტული პოტენციალის წარმოსაჩენად მოსახლეობასთან პირველი ეტაპის შეხვედრების შემდეგ შემუშავდა.

მაჟორიტარი დეპუტატობის კანდიდატმა ცოტნე ზურაბიანმა მოსახლეობასთან შეხვედრების პირველი ეტაპი უკვე დაასრულა და 20 სექტემბრიდან დაიწყება მეორე ეტაპი.


скачать dle 12.0

Avatar
T:555 000 289
თეგები:

Facebook კომენტარები

შემოთავაზებული სიახლეები

ჩვენ სოციალურ ქსელებში

ჩამოტვირთეთ Google Play-დან

ჩვენს შესახებ

    შპს დამოუკიდებელი ტელეკომპანია მეგატვ–ს მისიაა მედიაბიზნესის განვითარება და დემოკრატიული სახელმწიფოს შენებაში აქტიური მონაწილეობა. კომპანიის ხედვის ხაზი იმ ღირებულებებზე გადის, რომელიც მედიის საანდოობას , დამოუკიდებლობასა და მიუკერძოებლობას განსაზღვრავს. ახალი ტექნოლოგიების დანერგვა, პროფესიული ზრდისა და კვალიფიკაციის ამაღლება, ფინანსური და სარედაქციო დამოუკიდებლობისათვის მუდმივი ძალისხმევა კომპანიისათვის მუდმივად პრიორიტეტია.

ჩვენი ელ-ფოსტა

tvcompanymegatv@gmail.com