ამბები

იტალიაში გარდაცვლილი ქართველის მეგობრები დააკავეს-,,სამუდამო პატიმრობა უნდა მიუსაჯო, ემიგრანტი ემიგრანტს რომ მოკლავს”

იტალიის ქალაქ ბარიში საქართველოს მოქალაქის - დავით გვანცელაძის მკვლელობის ბრალდებით ორი ქართველი დააკავეს. ამის შესახებ ინფორმაციას euronews.ge ავრცელებს.

  იტალიელმა სამართალდამცავებმა დავით გვანცელაძის განზრახ მკვლელობის ბრალდებით საქართველოს მოქალაქე 1975 წელს დაბადებული, ხაშურელი დ.ყ და 1976 წელს დაბადებული თბილისელი, გ.ო დააკავეს. 

სამართალდაცავებმა 54 წლის დავით გვანცელაძის ცხედარი იტალიაში, ქალაქ ბარის პროვინციაში, დაბა კურატოში, სკვერში 2017 წლის 22 იანვარს აღმოაჩინეს. დავით გვანცელაძე წყალტუბოდან არის.

იტალიური პრესის ინფორმაციით, მამაკაცის ცხედარი სკვერში სკამზე იყო მისვენებული. ცხელ ხაზზე 118-ში შეტყობინება დილის 6 საათზე დაფიქსირდა, სადაც აღნიშნული იყო, რომ სიმონ ბოლივარის ქუჩაზე მდებარე სკვერში უცნობი მამაკაცის ცხედარი იქნა აღმოჩენილი. მამაკაცი რამდენიმე საათის გარდაცვლილი იყო.

გამოძიება რამდენიმე ვერსიაზე მუშაობს. თავდაპირველი ვერსიით, გვამის გარეგნული დათვალიერების შემდეგ თქვეს, რომ საქართველოს მოქალაქე, სავარაუდოდ, ბუნებრივი სიკვდილით გარდაიცვალა და მას ძალადობის კვალი არ აღენიშნებოდა, თუმცა გვამის გამოკვლევის შემდეგ გამოძიებამ თავდაპირველი ვერსია უარყო. დადგინდა, რომ გვანცელაძეს ზურგის არეში ცეცხლსასროლი იარაღით მიყენებული ჭრილობა აღენიშნებოდა.

გამოცემის ინფორმაციით, საქართველოს მოქალაქე, სავარაუდოდ, სხვა ადგილზე მოკლეს და გვამი სკვერში მიიტანეს. რამდენიმეთვიანი საგამოძიებო მოქმედებების შედეგად დადგინდა, რომ დავით გვანცელაძის მკვლელობაში ბრალდებული საქართველოს ორი მოქალაქეა და ისინი გარდაცვლილის მეგობრები არიან. დავით გვანცელაძის განზრახ მკვლელობის საქმეზე სასამართლო პროცესი 10 დღეში გაიმართება.
euronews.ge
скачать dle 12.0

თეგები:

Facebook კომენტარები

შემოთავაზებული სიახლეები

ჩვენ სოციალურ ქსელებში

ჩვენს შესახებ

    შპს დამოუკიდებელი ტელეკომპანია მეგატვ–ს მისიაა მედიაბიზნესის განვითარება და დემოკრატიული სახელმწიფოს შენებაში აქტიური მონაწილეობა. კომპანიის ხედვის ხაზი იმ ღირებულებებზე გადის, რომელიც მედიის საანდოობას , დამოუკიდებლობასა და მიუკერძოებლობას განსაზღვრავს. ახალი ტექნოლოგიების დანერგვა, პროფესიული ზრდისა და კვალიფიკაციის ამაღლება, ფინანსური და სარედაქციო დამოუკიდებლობისათვის მუდმივი ძალისხმევა კომპანიისათვის მუდმივად პრიორიტეტია.

ჩვენი ელ-ფოსტა

[email protected]