ამბები




ნიკოლას მადურო კუბაში გაქცევის თაობაზე გავრცელებულ ინფორმაციას უარყოფს.


 ნიკოლას მადურო კუბაში გაქცევის თაობაზე გავრცელებულ ინფორმაციას უარყოფს.

  ამის შესახებ ინფორმაციას CNN ავრცელებს. ნიკოლას მადურომ აშშ-ის სახელმწიფო მდივნის მიერ გავრცელებულ ინფორმაციას სიცრუე უწოდა და განაცხადა, რომ არსად გაქცევას არ აპირებდა.
შეგახსენებთ, რომ აშშ-ის სახელმწიფო მდივანმა CNN-თან საუბარში განაცხადა, რომ მადუროს თვითმფრინავი უკვე მზად იყო და ის კუბაში გაქცევას აპირებდა, ვიდრე მას რუსი ოფიციალური პირი, რომლის ვინაობაც უცნობია, არ დაელაპარაკა.
"ის მზად იყო გასამგზავრებლად, როგორც ჩვენ გავიგეთ, თუმცა რუსეთმა მიუთითა, რომ დარჩენილიყო", - განაცხადა მაიკ პომპეომ.
შეგახსენებთ, რომ გუშინ ვენესუელას დროებითმა პრეზიდენტმა ხუან გუაიდომ განაცხადა, რომ სამხედროები “დიქტატორს” მხარს აღარ უჭერენ. ამასთან, მან გაავრცელა ვიდეო, რომელშიც სამხედროებთან ერთად ჩანს და ამბობს, რომ ბრძოლის ფინალური ფაზა დაიწყო. ხუან გუაიდომ მოსახლეობას მასობრივი პროტესტისკენ მოუწოდა.
საპასუხოდ, დემონსტრანტების წინააღმდეგ ვენესუელას მთავრობამ ცრემლსადენი გაზი გამოიყენა. ადგილობრივი ტელევიზიის მიერ გავრცელებულ კადრებში კარგად ჩანს, თუ როგორ გადაუარა ეროვნული გვარდიის ჯავშანტექნიკამ მომიტინგეებს.скачать dle 12.0

Avatar
T:555 000 289
თეგები:

Facebook კომენტარები

შემოთავაზებული სიახლეები

ჩვენ სოციალურ ქსელებში

ჩამოტვირთეთ Google Play-დან

ჩვენს შესახებ

    შპს დამოუკიდებელი ტელეკომპანია მეგატვ–ს მისიაა მედიაბიზნესის განვითარება და დემოკრატიული სახელმწიფოს შენებაში აქტიური მონაწილეობა. კომპანიის ხედვის ხაზი იმ ღირებულებებზე გადის, რომელიც მედიის საანდოობას , დამოუკიდებლობასა და მიუკერძოებლობას განსაზღვრავს. ახალი ტექნოლოგიების დანერგვა, პროფესიული ზრდისა და კვალიფიკაციის ამაღლება, ფინანსური და სარედაქციო დამოუკიდებლობისათვის მუდმივი ძალისხმევა კომპანიისათვის მუდმივად პრიორიტეტია.

ჩვენი ელ-ფოსტა

tvcompanymegatv@gmail.com