10-12 წელი სიღარიბის აღმოფხვრამდე

18 აპრილი, 2019 666


10-12 წელი სიღარიბის აღმოფხვრამდე

საქართველოს პარლამენტის თავმჯდომარის, ირაკლი კობახიძის განცხადებით, არსებული ეკონომიკური ტემპით, სიღარიბის აღმოფხვრას საქართველოში 10-12 წელი დასჭირდება, 7%-იანი ეკონომიკური ზრდის მაჩვენებელის პირობებში კი, პრობლემის დაძლევისთვის საკმარისი შეიძლება 7-8 წელიც იყოს.
როგორც ირაკლი კობახიძემ „პალიტრანიუსის“ გადაცემაში „360 გრადუსი“ განაცხადა, საქართველოში დღეს სიღარიბის ზღვარს მიღმა 800 ათასი ადამიანი ცხოვრობს, რაც 2012 წელს მილიონ 150 ათასი იყო.
„ჩვენთვის მთავარი გამოწვევა არის ეკონომიკური და სოციალური ვითარება. შარშანდელი მონაცემებით, 800 ათასი ადამიანი არის სიღარიბის ზღვარს მიღმა საქართველოში. შესაბამისად, მთავარი გამოწვევა და ამოცანა არის ის, რომ მაქსიმალურად დაჩქარდეს ეკონომიკური ზრდის ტემპი. ჩვენ არსებული ტემპით, ალბათ, დაგვჭირდება 10-12 წელიწადი იმისთვის, რომ მთლიანად აღმოვფხვრათ სიღარიბე ჩვენს ქვეყანაში. თუ იქნება ოპტიმალური ტემპი, მაგალითად, 7%-იანი ეკონომიკური ზრდის მაჩვენებელი, ამ შემთხვევაში შეიძლება 7-8 წელიწადშიც მთლიანად აღმოიფხვრას სიღარიბე“, – განაცხადა კობახიძემ.скачать dle 12.0
კომენტარები
აგრეთვე იხილეთ: