ამბები

„მოთხოვნა არის კონკრეტული – რიგგარეშე საპარლამენტო არჩევნები" -მიხეილ სააკაშვილი


„მოთხოვნა არის კონკრეტული – რიგგარეშე საპარლამენტო არჩევნები" -მიხეილ სააკაშვილი


„მოთხოვნა არის კონკრეტული – რიგგარეშე საპარლამენტო არჩევნები იმიტომ, რომ არ შეიძლება, ივანიშვილის ხელისუფლება საქართველოში დარჩეს,“ – ამის შესახებ მიხეილ სააკაშვილმა კვირის აქცენტების სპეციალურ ეთერში საუბრისას განაცხადა.
საქართველოს მესამე პრეზიდენტის თქმით, ხვალ გაერთიანებული ოპოზიცია მასშტაბურ აქციას გამართავს, რომლის მთავარი მოთხოვნა ვადამდელი საპარლამენტო არჩევნებია.
სააკაშვილის განცხადებით, ხალხს სჭირდება ზომიერება და სიმშვიდე და არა დესტაბილიზაცია.
საქართველოს მესამე პრეზიდენტის განმარტებით, ის და გრიგოლ ვაშაძე ერთნაირად ფიქრობენ და ხშირად ეკონტაქტებიან ერთმანეთს.
მიხეილ სააკაშვილის თქმით, საპრეზიდენტო არჩევნების შედეგები ქართულმა ოცნებამ გააყალბა. საქართველოს მესამე პრეზიდენტის შეფასებით, რუსულ სტილში არჩევნების იმიტაცია მოხდა. ის არჩევნების შედეგებს არალეგიტიმურად ცნობს. მიხეილ სააკაშვილის განცხადებით, „არჩევნები მთლიანად მოიპარეს”.
„ქართველმა ხალხმა უნდა დაიბრუნოს ხელისუფლება. ვეთანხმები გია ვაშაძეს, რომ არც საპრეზიდენტო არჩევნების შედეგების ცნობა არ შეიძლება. ივანიშვილმა სპეციალურად მთელი საარჩევნო კამპანია გვაკომპლექსა, რომ ქუჩაში გამოსვლას აპირებენ, დესტაბილიზაციას აპირებენ იმიტომ, რომ მისი გაყალბების გამო ხმა არ ამოგვეღო. ჩვენ ივანიშვილის თამაშის წესი არ უნდა მივიღოთ. ჩვენ დესტაბილიზაცია კი არ გვინდა, ჩვენ გვინდა ზომიერება, სიმშვიდე, კანონის ფარგლებში დარჩენა, გეგმაზომიერი და მწყობრი მოქმედება, მასიური მოქმედება, ღიმილით მოქმედება,” – განაცხადა მიხეილ სააკაშვილმა.
скачать dle 12.0

Avatar
T:555 000 289
თეგები:

Facebook კომენტარები

შემოთავაზებული სიახლეები

ჩვენ სოციალურ ქსელებში

ჩამოტვირთეთ Google Play-დან

ჩვენს შესახებ

    შპს დამოუკიდებელი ტელეკომპანია მეგატვ–ს მისიაა მედიაბიზნესის განვითარება და დემოკრატიული სახელმწიფოს შენებაში აქტიური მონაწილეობა. კომპანიის ხედვის ხაზი იმ ღირებულებებზე გადის, რომელიც მედიის საანდოობას , დამოუკიდებლობასა და მიუკერძოებლობას განსაზღვრავს. ახალი ტექნოლოგიების დანერგვა, პროფესიული ზრდისა და კვალიფიკაციის ამაღლება, ფინანსური და სარედაქციო დამოუკიდებლობისათვის მუდმივი ძალისხმევა კომპანიისათვის მუდმივად პრიორიტეტია.

ჩვენი ელ-ფოსტა

tvcompanymegatv@gmail.com