"აწარმოე საქართველო"-ს ფარგლებში ქუთაისში სამკერვალო საწარმო გაიხსნა

19 მაი, 2018 1 515


 
"აწარმოე საქართველო"-ს ფარგლებში ქუთაისში სამკერვალო საწარმო გაიხსნა


ქუთაისში სახელმწიფო პროგრამის “აწარმოე საქართველოში” მხარდაჭერით შექმნილი საწარმო "ემჯიემტექსი" გაიხსნა. საწარმო  დაიწყებს H&M-ის პროდუქციის წარმოებას და ასევე მოლაპარაკების პროცესშია ZARAსთან და UNITED COLORS OF BENETTONნთან.
"ემჯიემტექსი" ქართულ-რუმინული ინვესტიციით შექმნილი საწარმოა, სადაც ჯამში 7 000 000 ლარის ინვესტიცია ხორციელდება და მისი ნაწარმი ძირითადად მიმართული იქნება ექსპორტზე.
კომპანიამ ამოქმედების პირველ ეტაპზე 130 ადამიანი დაასაქმა, 2 თვეში საწარმო გაეშვება სრული სიმძლავრით და დასაქმებულების რაოდენობა 250-მდე გაიზრდება. მათივე ინფორმაციით, მომდევნო ერთი წლის განმავლობაში დამატებით კიდევ 400 ადამიანი დასაქმდება.
ინვესტიციის მოცულობა, საწყის ეტაპზე, შეადგენს 2 000 000 ლარს, ხოლო შემდეგ ეტაპზე კომპანია დამატებით 5 000 000 ლარის ინვესტიციის განხორციელებას გეგმავს.скачать dle 12.0
კომენტარები
აგრეთვე იხილეთ: