ნათია თურნავა - მომხმარებლებისთვის გაზის მიწოდებასთან დაკავშირებული რეგულაციები კიდევ უფრო გამკაცრდება



„საქართველოს მოსახლეობის გაზიფიკაცია ერთ-ერთი პრიორიტეტული მიმართულებაა, მაგრამ ეს უნდა ხდებოდეს გაზის მოხმარების უსაფრთხოების წესების სრული დაცვით. დიდ მწუხარებას გამოვთქვამთ გაზის აფეთქებისა და გაზით მოწამვლის ტრაგიკული შემთხვევების დროს დაღუპულთა გამო და იმედი მაქვს, რომ გამოძიება, რომელსაც შინაგან საქმეთა სამინისტრო აწარმოებს, ტრაგედიის გამომწვევ მიზეზებს დაადგენს, მაგრამ ამავე დროს, ჩვენ ვგეგმავთ, გაზის მოხმარების უსაფრთხოების გაძლიერებას და ამ კუთხით საუკეთესო საერთაშორისო გამოცდილების დამკვიდრებას,“ - განაცხადა ეკონომიკისა და მდგრადი განვითარების მინისტრის მოადგილე ნათია თურნავამ. 
მისი თქმით, კიდევ უფრო გამკაცრდება მოთხოვნები გაზის კვალიფიციური კომპანიების მიერ სამშენებლო-სამონტაჟო სამუშაოების წარმოების მიმართულებით, ასევე უფრო მეტად დარეგულირდება მოსახლეობის მიერ ინდივიდუალირ საცხოვრებელ ფართებში ბუნებრივი გაზის ქსელის მონტაჟთან, ასევე ბუნებრივი გაზის დანადგარების უსაფრთხო მომხმარებასთან დაკავშირებული საკითხები. 
ეკონომიკისა და მდგრადი განვითარების მინისტრის მოადგილის განცხადებით, აქტიურად მიმდინარეობს მუშაობა არსებული მარეგულირებელი ბაზის რევიზიაზე, რომელიც შეიცვლება პროცესში მონაწილე ყველა მხარის უფლება-მოვალეობების გამოკვეთისა და გამკაცრების მიმართულებით.
ამავე დროს, ნათია თურნავას განცხადებით, ინტენსიურად გაგრძელდება მოსახლეობის ინფორმირებულობა ბუნებრივი გაზის უსაფრთხო მოხმარებასთან დაკავშირებით.скачать dle 12.0

Avatar
T:555 000 289
თეგები:

Facebook კომენტარები

შემოთავაზებული სიახლეები

ჩვენ სოციალურ ქსელებში

ჩამოტვირთეთ Google Play-დან

ჩვენს შესახებ

    შპს დამოუკიდებელი ტელეკომპანია მეგატვ–ს მისიაა მედიაბიზნესის განვითარება და დემოკრატიული სახელმწიფოს შენებაში აქტიური მონაწილეობა. კომპანიის ხედვის ხაზი იმ ღირებულებებზე გადის, რომელიც მედიის საანდოობას , დამოუკიდებლობასა და მიუკერძოებლობას განსაზღვრავს. ახალი ტექნოლოგიების დანერგვა, პროფესიული ზრდისა და კვალიფიკაციის ამაღლება, ფინანსური და სარედაქციო დამოუკიდებლობისათვის მუდმივი ძალისხმევა კომპანიისათვის მუდმივად პრიორიტეტია.

ჩვენი ელ-ფოსტა

tvcompanymegatv@gmail.com