ამბები




ტელეკომპანია MTV-ის პარტნიორები აჭარით ინტერესდებიან


აჭარის ტურიზმის დეპარტამენტის მოწვევით რეგიონს ტელეკომპანია MTV-ის ოფიციალური პარტნიორი ბრიტანული კომპანია „Neon Angel”-ის წარმომადგენლები სტუმრობდნენ. ვიზიტის ფარგლებში გორდონ ედგიმ და რიჩარდ კორამმა, რომელიც  MTV-ის ყოფილი ვიცე-პრეზიდენტია, აჭარის ტურისტული, სპორტული და კულტურული ინფრასტრუქტურა დაათვალიერეს, მოინახულეს „ბლექ სი არენა“  და ბათუმის მშენებარე სტადიონი. აჭარის, მუსიკალურ ჰაბად გადაქცევის პერსპექტივები და ამ მიმართულებით რეგიონის შესაძლებლობები მათ საქართველოს ტურიზმის ეროვნული ადმინისტრაციის, „ბლექ სი არენა“-ს და საქართველოს ეკონომიკის სამინისტროს წარმომადგენლებთან, ასევე აჭარის მთავრობის თავმჯდომარესთან და რეგიონის ფინანსთა და ეკონომიკის მინისტრთან შეხვედრებზე განიხილეს.
“კომპანია  „Neon Angel” ეხმარება ცალკეულ ქვეყნებს მსოფლიო მუსიკალურ კალენდარზე დაიმკვიდრონ თავი და შესთავაზონ ტურისტებს მუსიკალური პროექტები, რომლებიც ძირითადად, MTV-თან ურთიერთთანამშრომლობითმზადდება. განიხილება აჭარის, კერძოდ, კი ბათუმის მუსიკალურ ჰაბად გადაქცევა, სადაც მსოფლიო დონის მომღერლებისა და დიჯეების ჩამოყვანა, ასევე ბათუმის სახელმწიფო დრამატული თეატრის სხვადასხვა სპექტაკლებითა და მიუზიკლებით დატვირთვა იგულისხმება. MTV-ის ოფიციალური პროგრამებიდან სამომავლო გეგმებში განიხილება ფესტივალი “MTV Crashes Georgia”. MTV-ის პარტნიორი კომპანია „Neon Angel”-თან თანამშრომლობა MTV-ის არხის მეშვეობით გულისხმობს საქართველოს, როგორც „აუცილებლად სანახავი ქვეყნის“  პოპულარიზაციას საერთაშორისო მასშტაბით, რაც ძალიან დიდ გავლენას იქონიებს რეგიონში ტურისტების მოზიდვასა და სეზონის გახანგძლივებაზე,“ განაცხადა აჭარის ტურიზმის დეპარტამენტის თავმჯდომარის მოადგილე ქრისტინე ძიძიგურმა.
 скачать dle 12.0

Avatar
T:555 000 289
თეგები:

Facebook კომენტარები

შემოთავაზებული სიახლეები

ჩვენ სოციალურ ქსელებში

ჩამოტვირთეთ Google Play-დან

ჩვენს შესახებ

    შპს დამოუკიდებელი ტელეკომპანია მეგატვ–ს მისიაა მედიაბიზნესის განვითარება და დემოკრატიული სახელმწიფოს შენებაში აქტიური მონაწილეობა. კომპანიის ხედვის ხაზი იმ ღირებულებებზე გადის, რომელიც მედიის საანდოობას , დამოუკიდებლობასა და მიუკერძოებლობას განსაზღვრავს. ახალი ტექნოლოგიების დანერგვა, პროფესიული ზრდისა და კვალიფიკაციის ამაღლება, ფინანსური და სარედაქციო დამოუკიდებლობისათვის მუდმივი ძალისხმევა კომპანიისათვის მუდმივად პრიორიტეტია.

ჩვენი ელ-ფოსტა

tvcompanymegatv@gmail.com