ევროპის ყველაზე დიდი, სახალხო პარტია [EPP] საქართველოს ხელისუფლებას მოუწოდებს, უზრუნველყოს მიხეილ სააკაშვილს ადექვატური მკურნალობა სათანადოდ აღჭურვილ საავადმყოფოში – EPP განცხადებას ავრცელებს და წერს, რომ საქართველოს ხელისუფლება არ ასრულებს მის მიერვე შექმნილი სამედიცინო კონსილიუმის რეკომენდაციებს:
„ჩვენ კვლავ სერიოზულად შეშფოთებულები ვართ ბატონი სააკაშვილის ჯანმრთელობისა და უსაფრთხოების პირობებით, ისევე როგორც მისი, როგორც პატიმრის უფლებებით, მათ შორის პირადი ცხოვრების ხელშეუხებლობისა და ღირსების და როგორც სასამართლოს წინაშე მყოფი პირის მხრივ. მას უნდა ჩაუტარდეს ადეკვატური სამედიცინო მკურნალობა სათანადოდ აღჭურვილ საავადმყოფოში“, – აცხადებს მაიკლ გალერი, ევროპარლამენტარი, EPP ჯგუფის საგარეო ურთიერთობათა სპიკერი.
შეგახსენებთ, დღეს მიხეილ სააკაშვილის პატიმრობისა და შიმშილობის 45-ე დღეა და მისი ჯანმრთელობის მდგომარეობა უკვე უკიდურესად დამძიმდა.
