როგორც ასტროლოგები ამბობენ, ახლა ძლიერი ენერგეტიკული ცვლილებების ცენტრში ვართ. ზოდიაქოს 6 ნიშნის წარმომადგენლებს კი 2025 წლის ნოემბრამდე მნიშვნელოვანი ფინანსური ცვლილებები ელოდება. პლანეტა მარსი, რომელიც ადამიანების მიზანსწრაფვასა და ამბიციებს მართავს, 22 სექტემბერს მორიელის ნიშანში შევიდა, რაც გვაიძულებს, მკაფიო, მტკიცე და გააზრებული გადაწყვეტილებები მივიღოთ და ფინანსურ წარმატებასაც მივაღწიოთ.
პლანეტა მარსი მორიელის ნიშანში 3 ნოემბრამდე დარჩება. იქამდე კი ზოდიაქოს ამ 6 ნიშნის წარმომადგენლებს მნიშვნელოვანი ფინანსური ცვლილებები ელოდება:
კურო
როგორც ასტროლოგები ამბობენ, 2025 წლის ნოემბრამდე ფინანსური თვალსაზრისით, მნიშვნელოვანი ცვლილებები გელოდებათ. მორიელის ნიშანში მარსის გადასვლა გაიძულებთ, თქვენს ფინანსურ მდგომარეობაზე, ხარჯებზე, მიდგომებზე უფრო დიდი ყურადღება გამოიჩინოთ და კონკრეტული გეგმა შეადგინოთ. ოქტომბრის შუა რიცხვებში მერკურისა და მარსის გავლენით, შეგიძლიათ, ფინანსური სფერო უკეთ მოაწესრიგოთ. თუ დიდი ხანია, დამატებითი საქმის მოძიებაზე ან დიდი პროექტების განხორციელებაზე ფიქრობთ, გსურთ, რომ საკუთარი ბიზნესი წამოიწყოთ ან არსებულ საქმეში მიაღწიოთ წარმატებას, ახლა ამისთვის შესანიშნავი დროა.
ლომი
მარსის მორიელის ნიშანში გადასვლა თქვენთვის ნამდვილად წარმატებული პერიოდია. ძალიან დიდ თავდაჯერებულობასა და მოტივაციას იგრძნობთ და იმ საქმეებსაც კი, რომლებიც აქამდე გერთულებოდათ, მარტივად განახორციელებთ. მოულოდნელი დაწინაურება ან ისეთი გეგმის შემუშავება გელით, რომელიც სამომავლოდ ძალიან დიდ ფინანსურ წარმატებას მოგიტანთ. იღბალი თქვენ მხარესაა. მიმდინარე პერიოდის განმავლობაში, გექნებათ ყველა შესაძლებლობა, რომ არსებულ კონკურენციას გაუძლოთ, საკუთარი უნარები, შესაძლებლობები სრულად გამოხატოთ და დაწინაურდეთ.
მორიელი
შესაძლოა, ახლა რთულ ეტაპს გადიხართ, თუმცა, როგორც ასტროლოგები ამბობენ, ეს ფინანსური ცვლილებების წარმოუდგენლად იღბლიანი სეზონია. სრულიად განახლებული ენერგია გაქვთ, შეგიძლიათ, აიღოთ ყველაფერი, რაც გსურთ, დადოთ საქმიანი გარიგებები, ჩამოაყალიბოთ იდეები, დამატებითი შემოსავალი მიიღოთ და კარიერულ საფეხურზე დაწინაურდეთ. კარიერულ ცხოვრებაში წარმატება ფინანსურ კეთილდღეობასაც განაპირობებს. თუმცა, როგორც ასტროლოგები ამბობენ, უმჯობესია, თანმიმდევრულობა გამოიჩინოთ და იმპულსური გადაწყვეტილებები არ მიიღოთ.
მერწყული
მომდევნო კვირების განმავლობაში ფინანსური მდგომარეობის მნიშვნელოვნად შეცვლა გელოდებათ. ძალიან დიდ ენერგიასა და მოტივაციას იგრძნობთ, რაც, ფაქტობრივად, წარმატებამდე მიგიყვანთ. გაქვთ დამატებითი პროექტების აღებისა და სხვადასხვა საქმეში ჩართვის შესაძლებლობა. კონტაქტები აუცილებლად გამოგადგებათ და ამავდროულად, ახალ სოციალურ წრეშიც მოხვდებით. მომდევნო რამდენიმე კვირა ერთ-ერთი საუკეთესო პერიოდია იმისათვის, რომ თქვენთვის სასურველი საქმეები განახორციელოთ და ფინანსური სარგებელიც მიიღოთ.
თხის რქა
ახლა არის ეტაპი, როდესაც თქვენს მიზნებს აყალიბებთ და კონკრეტულ ნაბიჯებსაც დგამთ. როგორც წესი, მარტო შესანიშნავად მუშაობთ. თუმცა, მარსის მორიელის ნიშანში გადასვლა გუნდური მუშაობის აუცილებლობაზეც დაგაფიქრებთ. ოქტომბრის მეორე ნახევარი ფინანსურად თქვენთვის განსაკუთრებით წარმატებული იქნება. 21 ოქტომბერს სასწორის ნიშანში ახალი მთვარე ოცნებების რეალობად გადაქცევაში დაგეხმარებათ. წინ ძალიან საინტერესო და სასიამოვნო ეტაპები გელოდებათ, როცა გაქვთ შანსი, თქვენი შესაძლებლობები გამოავლინოთ და სასურველი საქმეების განხორციელება დაიწყოთ.
ვერძი
ვერძისთვის პლანეტა მარსის ძლიერი ენერგია უცხო ნამდვილად არ არის, რადგანაც ზოდიაქოს ამ ნიშანს სწორედ მარსი მართავს. რაკი მორიელსაც პლანეტა მარსი მართავს, თქვენი ფინანსური მდგომარეობა 2025 წლის ნოემბრამდე მნიშვნელოვნად შეიცვლება და წარმატების მიღწევის დიდი მოტივაცია გექნებათ. ახალი შესაძლებლობები გამოჩნდება და აუცილებლად უნდა გამოიყენოთ. მნიშვნელოვანია, რომ ხარჯების გაკონტროლებაც ისწავლოთ და გარკვეულ საკითხებს გრძელვადიან პერსპექტივაში შეხედოთ. სხვა მხრივ, მომდევნო რამდენიმე კვირა თქვენთვის ძალიან სასარგებლო და სასიამოვნო იქნება.
წყარო: ბომონდი
