ამ ეტაპზე ვგეგმაბთ ბაღიც და სკოლაც გადავიყვანოთ დედალაურის სკოლასა და ბაღში – ამის შესახებ “მეგა ტვ”-ს ხონის მუნიციპალიტეტის მერმა ლადო ჯურხაძემ განუცხადა. მისივე თქმით გაჩენილ ხანძართან და სამომავლო გეგმებთან დაკავშირებით ცენტრალურ ხელისუფლებასთან მოლაპარაკებები უკვე შედგა.
“ვაპირებთ რომ შენობა აღვადგინოთ. ხვალ და ზეგ ვერ აღდგება, მაგრამ ცენტარალურ ხელისუფლებასთან მოლაპარაკებები უკვე შედგა, ზარალს ვითვლით, ექსპერტიზა უნდა ჩაუტარდეს შენობას და შემდეგ გადაწყება იმ შენობას გამოვიყენებთ თუ ახლით ჩანაცვლდება. ეს ერთი თვის საკითხი არ არის, თუმცა პროცესი უკვე დაწყებულია და შევეცდებით რომ მომდევნო სასწავლო წლისთვის უკვე დასრულებული იყოს.” – განაცხადა ლადო ჯურხაძემ.
მისივე თქმით შენობაში უსაფრთხოების ნორმები დაცული იყო, თუმცა ცეცხლი ისე სწრაფად აალდა, რომ მისი ცეცხლმაქრით ჩაქრობა შეუძლებელი იქნებოდა.
დღეს ხონში, შენობა, რომელშიც სკოლა, ბაღი და ამბულატორია იყო განთავსებული ხანძრის შედეგად განადგურდა.
