ხვალ, საქართველოს პარლამენტის არჩევნების მეორე ტური 17 მაჟორიტარულ საარჩევნო ოლქში გაიმართება, მათ შორის არის ქუთაისი. აქ ასევე გაიმართება მერის რიგგარეშე არჩევნების მეორე ტურიც.
ქუთაისში არჩევნების მეორე ტურში „ქართული ოცნების“ მაჟორიტარობის კანდიდატებს „ნაციონალური მოძრაობის“ მიერ წარდგენილი კანდიდატები უპირისპირდებიან.
ქუთაისში მაჟორიტარობისთვის იბრძვიან: №5 – გრიგოლ ვაშაძე, №41 – ზაზა ლომინაძე
მერის რიგგარეშე არჩევნების მეორე ტური კი, ქუთაისის №59-ე ოლქში იმართება და ერთმანეთს №5 – გრიგოლ შუშანია და №41 – იოსებ ხახალეიშვილი დაუპირისპირდებიან.
გამარჯვებული იქნება ის კანდიდატი, რომელიც მეტ ხმას მიიღებს.
შეგახსენებთ, რომ მეორე ტურზე ამომრჩევლებს მოემსახურება 1914 საარჩევნო უბანი, გამონაკლის შემთხვევაში შექმნილი 9 უბანი, სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების არჩევნებში მონაწილეობის უზრუნველყოფის მიზნით შექმნილი 80 სპეციალური უბანი.
