ჭორი, რომ ხელოვნების მუზეუმის ექსპონატები სადღაც გადააქვთ, სინამდვილეა. ინფორმაციას კვლავ ექს მინისტრი , ნიკა ვაჩეიშვილი ავრცელებს.
გადაწყვეტილება კულტუსის სამინისტრომ მიიღო და ტენდერიც გამოაცხადა.
,,აი ბატონო, კულტურის სამინისტროს ა.წ. 17 ივლისს უკვე გამოუცხადებია, რომ ხელოვნების მუზეუმი 5 აგვისტოდან 5 თებერვლამდე უნდა დაიცალოს, რის შემდეგაც შენობა დაინგრევა, გამაგრდება მხოლოდ წინა ფასადი. ექსპონატების “გადასაზიდად” არის გეგმა, სად გადაიტანენ ჯერ არ იციან, ამისათვის ადგილი 5 აგვისტომდე უნდა მოძებნონ.
30-იანი წლების საბჭოთა ევაკუაციის გეგმას გავს !
მუზეუმის შენობაზე ეს წერია:
“რაც შეეხება მუზეუმის ძირითადი შენობაზე (ე.წ. ყოფილი სემინარია) ჩატარებულ ექსპერტიზას, შენობის მდგომარეობის შესახებ დასკვნის თანახმად:
ლ. გუდიაშვილის ქუჩის გასწვრივ მდებარე შენობის ფლიგელის გამაგრება დაკავშირებული იქნება ძალიან დიდ ტექნიკურ სირთულეებთან და დანახარჯებთან და მისი გაძლიერება სავარაუდოდ არ იქნება რენტაბელური;
ალ. პუშკინის ქუჩის გასწვრივ მდებარე ფლიგელზე განვითარებულია მზიდი კონსტრუქციების დიდი გადახრები, დეფორმაციები და რღვევები, რის გამოც შეუძლებელია შენობის ამ ნაწილის შენარჩუნება და გაძლიერება;
შენობის მხოლოდ ცენტრალური შესასვლელის გაძლიერება არის შესაძლებელი;
შენობის ქვეშ მიმდინარეობს ფუძე-გრუნტების გაწყლოვანება ტექნოგენური და ატმოსფერული წყლების ჩამოდინებისაგან და შენობას არც სართულშუა გადახურვის და არც სახურავის დონეებზე არ გააჩნია ანტისეისმური სარტყლები, რის გამოც ის არ აკმაყოფილებს სეისმურობის ელემენტარულ სტანდარტებს.””-წერს ნიკა ვაჩეიშვილი და ასევე განმარტავს, რომ ექსპონატების გადატანისათვის განსაკუთრებული პირობებია საჭირო
შეგახსენებთ , რომ 2021 წლის 19 მარტიდან, საქართველოს კულტურის, სპორტისა და ახალგაზრდობის მინისტრად თეა წულუკიანი დაინიშნა.
