მსოფლიოს მასშტაბით კორონავირუსით ინფიცირებულთა რიცხვმა 1 მილიონს მიაღწია. დაავადება 200-ზე მეტ ქვეყანაშია გავრცელებული. არაერთმა მთავრობამ საკუთარი მოქალაქეები მკაცრ კარანტინში მოაქცია. აკრძალულია მასობრივი თავყრილობები, დახურულია მაღაზიები და დაწესებულებები, გადადებულია სპორტული და გასართობი ღონისძიებები. მეცნიერები კი ვირუსის საწინააღმდეგო ვაქცინისა და სამკურნალო პრეპარატების შექმნაზე მუშაობენ.
COVID-19 ხელოვანთა შთაგონების წყაროდაც იქცა. კორონავირუსის პანდემიას პლანეტის სხვადასხვა კუთხეში მცხოვრები გრაფიტი არტისტებიც გამოეხმაურნენ. გთავაზობთ მათ მიერ ბერლინის, ლონდონის, ბარსელონის, მუმბაის, ლოს ანჯელესისა და სხვა ქალაქების კედლებზე შესრულებულ ნამუშევრებს.
