საქართველოს პირველი პრეზიდენტის ვაჟი გიორგი გამსახურდია “ტვიტერის” პირად გვერდზე პოსტს აქვეყნებს და წერს, რომ მის ძმას ცოტნე გამსახურდიასა და რძალს ყოველდღიურად მძიმე სიტუაციის ატანა უწევთ.
საუბარია იმ ფაქტზე, რომ მანანა არჩვაძე-გამსახურდიამ და მისმა მომხრეებმა რამდენჯერმე აქციის გამართვა სცადეს წეროვანის სარეაბილიტაციო ცენტრთან, სადაც ცოტნე გამსახურდია სამკურნალო-აღდგენით კურსს გადის.
“ყველა წერტილსა და მძიმეს ვეთანხმები რასაც ჩემი ძმა, კონსტანტინე წერს ამ პოსტში. ძალიან მძიმეა ამ ყველაფრის ატანა,რის გავლაც უწევს ჩემს ძმას და ჩემს რძალს ამ ავადმყოფური ბრბოს მხრიდან. ასევე უდიდესი ბოდიში მინდა მოვუხადო ყველა მათი გინებით და უსამართლო მოპყრობით შეწუხებულებს” – წერს გიორგი გამსახურდია.
შეგახსენებთ, 2019 წლის 19 დეკემბერს პირველი პრეზიდენტის ვაჟი, ცოტნე გამსახურდია საკუთარ საცხოვრებელ სახლთან დაჭრეს.
ჭრილობები იმდენად მძიმე იყო, რომ ბევრჯერ დადგა კითხვის ნიშნის ქვეშ მისი გადარჩენის საკითხი. ამ უმძიმესი დღიდან 2 წელი გავიდა. ამ პერიოდის განმავლობაში ცოტნე როგორც საქართველოში, ისე უცხოეთში გადიოდა მკურნალობას.
რამდენიმე თვეა ცოტნე გამსახურდია სარეაბილიტაციო კურსს საქართველოში, წეროვანი სარეაბილიტაციო ცენტრში გადის.
