ენმ- წევრი ეკა ხერხეულიძე მიხეილ სააკაშვილთან შესვლის ნებართვას ელოდება. ხერხეულიძე ხელისუფლებას მიმართავს, ნუ შეაფარხებენ მის პენიტენციურ დაწესებულებაში შესვლას, რათა დროულად გახდეს ცნობილი მესამე პრეზიდენტის პოზიცია მისი გორის სამხედრო ჰოსპიტალში ეტაპირებასთან დაკავშირებით. ხერხეულიძის თქმითვე, სააკაშვილმა მოითხოვა ნიკა გვარამიასა და უკრაინის კონსულთან შეხვედრა.
“ძალიან ვთხოვ ხელისუფლებას, ეყოს გონიერება, ნუღარ შეაფერხებენ ჩემს აქ მოცდას, იმიტომ, რომ რაც მალე შევალ მე, მით მალე გადაწყდება ეს საკითხი და მალე გვეცოდინება მიხეილ სააკაშვილის დამოკიდებულება გადასვლასთან დაკავშირებით. წინააღმდეგ შემთხვევაში თუ მოხდება ისე, რომ ჩვენგან წარმომადგენელი არავინ იქნება იქ, მოხდება მისი ნების წინააღმდეგ ისევ ძალის გამოყენება და ამ საშუალებით გადასვლა ერთი დაწესებულებიდან მეორეში. ამიტომ, ვამბობ, რომ არცერთ შემთხვევაში თავისი ნებით მიხეილ სააკაშვილი აქედან არ გადავა, სანამ მისი პოზიცია არ იქნება ცნობილი, “- თქვა ხერხეულიძემ.
