ჩემს დაჩხვლეტილ სხეულს, რომ ვუყურებ ცოტა ვერ ვხდები რა ხდება – ჟურნალისტი ვიკა ბუკია მეუღლესთან, დეპუტატ ლევან გოგიჩაიშვილთან ერთად უკვე ორი კვირაა კოვიდ-19-ს ებრძვის.
მათი ტესტების პასუხები კვლავ დადებითია და მკურნალობას ბოჭორიშვილის კლინიკაში აგრძელებენ:
“მაინც დავწერ ორ სიტყვას:) ჩვენი ტესტები დადებითია, მაგრამ როგორც აგვიხსნეს, ზღვარზეაო. ანტისხეულები წამოვიდა და შემდეგ ტესტს უფრო დამაიმედებელს ელოდებიან. ჩემი ანთებაც კიდევ ანთია. ქვემოდან ზემოთ წამოვიდა. ზემოთ ახალი კერები გაჩნდა. კარგი იქნებოდა ეს ახალი კერები არ გაჩენილიყოო, სამაგიეროდ ქვემოთ უკეთესობააო, და ეგ არის ახლა კარგიო. ამაზე იფიქრეო. კაი ბატონო. იყოს ეგ კარგი ამბავი. ვიფიქრებ ამაზე.
ლევანის ანთება უკეთესობისკენაა, ინტენსივობამ იკლო ?? უკეთაც გრძნობს თავს.
გულ-მკერდში ორმო ისევ მაწუხებს. ასევე უენერგიობა. ვირუსი უნდა გამოვიდეს მთავარია. ეგ სანამ იქ ზის, თავისას შვრებაო. მე მგონი პირველივე კარგი ამბავი რომ მექნება, ფსიქოლოგიურად მომეშველება გადავლახო ეს განწყობა. ჩემს დაჩხვლეტილ სხეულს, რომ ვუყურებ ცოტა ვერ ვხდები რა ხდება. იმ პანიკუნიებს და შოკუნიებს ვცდილობ არ ავყვე. ჰო, ყოველთვის არ გამომდის. მაგრამ თქვენ ძალიან მეხმარებით ❤️
ჩემი ოთახი ინსტაგრამში გავაფერადე.” – წერს ვიკა ბუკია.
