იუსტიციის მინისტრის, გოჩა ლორთქიფანიძის განცხადებით, 11 იანვარს PCR ტესტირება ქუთაისის #2 პენიტენციური დაწესებულების 883 პატიმარს ჩაუტარდა, საიდანაც კოვიდ დადებითი მხოლოდ 1 პატიმარი აღმოჩნდა.
როგორც მან უწყებათაშორისი საკოორდინაციო საბჭოს სხდომის დასრულების შემდეგ განაცხადა, 12 იანვარს ასევე ტესტირება ჩატარდა რუსთავის #6 პენიტენციურ დაწესებულებაში, თუმცა, შედეგები, ჯერჯერობით, არაა ცნობილი.
„როგორც თქვენთვის ცნობილია, გასული წლის ბოლოს სპეციალურმა პენიტენციურმა სამსახურმა დაიწყო პატიმრების ინტენსიური PCR ტესტირება. 3 იანვარს ჩატარებული ტესტირების შედეგად ქალთა დაწესებულებაში იყო 23 შემთხვევა გამოვლენილი, ამის შემდეგ PCR ტესტირებამ მოიცვა სხვა დაწესებულებები“, – განაცხადა ლორთქიფანიძემ.
