ჩვენთვის ძალიან მძიმე ფინანსური პრობლემაა და ფსიქოლოგიური სტრესი, 6 თვე უმუშევრად იჯდე – ქუთაისში აქცია-ფლეშმობი სახელწოდებით “ქოლგებიანი გიდები-ჩვენ ვარსებობთ” გაიმართება. ამის შესახებ სოციალურ ქსელში რუსუდან ჯაფარიძე წერს.
“მეგა ტვ” პოსტსუცვლელად გთავაზობთ
“მაშ ასე, მსოფლიო პანდემიამ, ტურიზმი დიდი ხნით შეაფერხა, მხოლოდ ტურიზმი არა, ტურიზმში დასაქმებული უამრავი ადამიანი, ულუკმაპუროდ და საყვარელი საქმის გარეშე დატოვა…
ტურისტების გარეშე დარჩენილ გიდებს ნამდვილი სტრესი გვაქვს, იმდენად გვენატრება და გვსურს დავკავდეთ საქმით, ვესაუბროთ, ვაჩვენოთ ხალხს ჩვენი ქვეყანა, მოვუყვეთ საინტერესო ამბები, მოვეფეროთ ჩვენს უნიკალურ ისტორიას…
ამიტომაც, უნგრელი კოლეგების გამოწვევა სიამოვნებით მივიღეთ, ვუერთდებით ფერადი ქოლგების ფლეშმობს, აქციით–
მადლობა იდეისთვის #IrinaVranics
” ქოლგებიანი გიდები-ჩვენ ვარსებობთ”
ბევრს გაუჩნდება კითხვა, რატომ ქოლგა?! არამარტო იმიტომ რომ, წვიმისგან და მზისგან გვიცავს, ან ფერადია და ლამაზია, არა ქოლგა ნამდვილი გიდის სიმბოლოა, როგორც ზრუნვის სიმბოლო, იხილეთ ფოტო დასტურად 
ტურიზმი აბსტრაქტული სიტყვა არაა, ტურიზმში ათასობით და ათიათასობით ადამიანია მხოლოდ საქართველოში დაკავებული, ამიტომ ჩვენთვის ძალიან მძიმე ფინანსური პრობლემაა და ფსიქოლოგიური სტრესი, 6 თვე უმუშევრად იჯდე, გენატრებოდეს სტუმარი და მასპინძლობა,
იმის ნაცვლად, გემაყებოდეს შენი ქვეყნის წარსულზე და მომავლის პერსპექტივებზე საუბარი, ნეტარებდე ემოციებით სავსე სტუმრების გაბრწყინებული თვალებით,ქართული მუსიკის, ცეკვის, ღვინის, კულინარიის შედევრებით აღტაცებულ შეძახილებს ისმენდე…
არ დარდობდე არც ოჯახის მატერიალურ პრობლემებზე, არ გეშინოდეს ხვალინდელი დღის, ამის ნაცვლად, სრულიად გაურკვევლობაში ვართ, დაგვრჩა მხოლოდ საკუთარ თავს შევუძახოთ და საქმე ვაკეთოთ, ენთუზიაზმზე, სიყვარულით, ვისაუბროთ ჩვენს ქალაქზე, ქვეყანაზე, გმირებზე და ანტიგმირებზე, ჩვენივე თანამოქალაქეებისთვის, ქალაქის სტუმრებისთვის…
მადლობა Levan Papuashvili სქრინის ჩაგდებისთვის და დამშვიდებისთის, რომ ვერანაირი პოლიტიკური ძალა დარადიკალისტი, ვერ გამოიყენებს ჩვენს აპოლიტიკურ ერთობის ძალას, რისი შიშიც მაფერხებდა ფლეშმობის მოსაწყობად
გიდებმა გადავწყვიტეთ, ერთი დღის გავაფერადოთ და ავახმაუროთ ძველი თბილისი, ძველი ბათუმი, ძველი ქუთაისი…
ქოლგებიანი გიდების აქცია-ფლეშმობი, ჩატარდება 30 ივნისს 12 :00 , ერთდროულად სამივე ქალაქში და მსოფლიოს სხვადასხვა ქალაქებში, ერთობით, დადებითი ემოციების გაშვებით ცაში, პოზიტივს მოვიზიდავთ ჩვენთვის
ყველა წესის დაცვით, ჯანდაცვის რეკომენდაციების გათვალისწინებით, ჯგუფებს დავყოფთ 10-10 წევრად, დისტანციის დაცვით, მოვივლით ფეხით ქალაქის ქუჩებს და გიამბობთ უამრავ საინტერესო ამბავს…
გაიცანით თქვენი ქალაქი, ქოლგებიან გიდებთან ერთად
#ძალაერთობაშია, #გიდებისაქართველოსთვის
#ესსაქართველოა #ფერადი_დღე_ქალაქს #გიდით_უკეთესია
p.s. ყველას ვერ გნიშნავთ, ქოლგიან მოსაწვევზე მოინიშნეთ თავები, ვისაც სურვილი გაქვთ მონაწილეობის
პ.პ.ს. ქოლგები არ დაგავიწყდეთ ფერადი დღე ვაჩუქოთ მოწყენილ და დასიცხულ თბილისს რიყეზე, ქუთაისს ჩარდახის ბაღში, ბათუმს პიაცაზე
პ.პ.პ.ს. შეატყობინეთ ნაცნობ და უცნობ ჟურნალისტებს, ლამაზი კადრები ელოდებათ
579 029 022 ყველა დეტალისთვის შემაწუხეთ” – წერს რუსუდან ჯაფარიძე ფეისბუკ გვერდზე.
