მარტვილის ღვთისმშობლის მიძინების ტაძარში საკვირაო წირვაზე მისული სალხინოს სკოლა-პანსიონის ყოფილი თანამშრომელი, მეუფე სტეფანეს დავალებით ტაძრიდან გააძევეს. სალხინოს მკვიდრი მაია ცაავა სკოლა-პანსიონში მზარეულად მუშაობდა.
დაახლოებით 2 თვის წინ ცაავამ სკოლა-პანსიონის ხელფასის დაკლება გააპროტესტა. ამის გამო ეპისკოპოსმა იგი სამსახურიდან გაუშვა.
მას გათავისუფლების ბრძანება გუშინ ჩაბარდა.
საკვირაო წირვაზე მან მეუფესთვის კითხვის დასმა სცადა. მეუფემ მას არ მოუსმინა და სტიქაროსნებს ტაძრიდან გააგდებინა.
მაია ცაავა აცხადებს, რომ თანამშრომლებმა, რომლებმაც რამოდენიმე თვის წინ, ბოიკოტი გამოაცხადეს და ხელფასების ზრდას ითხოვდნენ, მათ მეუფე სტეფანემ ბოდიში წერილობით მოახდევინა.
მან კი ბოდიში არ მოიხადა და ამის გამო ის ეჭვობს, რომ სამსახურიდან გათავისუფლების მიზეზი სწორედ ეს გახდა.
