უკვდავების წყარო რომ არსებობდეს და ერთი პეშვის წამოღების უფლება რომ მქონდეს, იმ ერთ პეშვ უკვდავების წყალს თქვენთვის წამოვიღებდი! – ასე მიმართავს მადლიერი მშობელი ქუთაისის დამსახურებულ პედაგოგს ლავალეტა წოწორიას, რომელიც 60 წელია ერთგულად ემსახურება თავის საქმეს, რაც ახალი თაობებისთვის ფორტეპიანოზე დაკვრის ხელოვნების სწავლებასა და კარგი მსმენელების აღზრდას გულისხმობს.
საკუთარი საქმისადმი ერთგულებამ და სიყვარულმა ნაყოფი გამოიღო და ასაკოვანი მასწავლებელი მისი მოსწავლეებისა თუ კოლეგებისგან ახლა სიყვარულსა და მადლიერებას იმკის. ამის მაგალითია 28 ივნისს, მესამე სამუსიკო სკოლაში გამართული ლავალეტა წოწორიას კლასის საღამო-კონცერტი, რომელიც მუსიკალურ ნომრებთან ერთად დამსწრე საზოგადოებასთან დისკუსიასაც მოიცავდა.
დამსახურებული პედაგოგი, ღირსების ორდენის კავალერი, არაერთი კონკურსის ლაურეატი ლავალეტა წოწორია ფორჩხიძე ცოტა ხნის წინ ვარსკვლავის მფლობელი გახდა. საქართველოს პროფკავშირული კულტურულ-საგანმანათლებლო დაწესებულებების შემოქმედთა კავშირმა მას ეს ჯილდო ფესტივალ-კონკურსზე “იპოვე შენი ვარსკვლავი” 2022 წელს გადასცა.
80 წლის ასაკში პედაგოგი კვლავ განაგრძოს ბავშებში კლასიკური მუსიკის სიყვარულის ჩანერგვასა და მათში ტალანტების გაღვიძებას. უკვე ასაკოვანი პედაგოგი დანანებით აღნიშნავს რომ ახალგაზრდა თაობამ მუსიკისადმი სიყვარული დაკარგა და ტექნიკის უკან გრძონა, რომლიც ბგერას თან უნდა ახლდეს ნელ-ნელა იკარგება. სწორედ ესაა მისი მთავრი სატკივარი.
“სამწუხაროდ ნამდვილი მუსიკა გაქრა და გადასული არიან უფრო ჭახა-ჭუხზე. სავსებით ვიზიარებ ჯანსუღ კახიძის აზრს, რომ პიანისტები და მოსწავლეები 24 საათი უკრავენ, დარბიან კლავიშებზე, მაგრამ სულიერება დაიკარგა, ბგერა. სული უნდა ჩაუდგა იმ ბგერას, იმ უსულო საგანს და ამითი ის დადებითი უჯრედები, რომელიც ადამიანს გააჩნია წინა პლაზე წამოვიდეს, რომ არც ბოროტება ხდებოდეს და არც ბევრი უზნეობა, რომელიც სამწუხაროდ არსებობს.” – ამბობს ლავალეტა წოწორია.
ლავალეტა მასწავლებელი, როგორც მას მოსწავლეები და მათი მშობლები მიმართავენ კვლავ გეგმავს მუსიკისადმი მსახურების გაგრძელებას და მოსწავლეთათვის მისი ცოდნის გაზიარებას რათა სიყვარული, რომელიც ბგერას თან უნდა ახლდეს არ დაიკარგოს.
“მინდა გავიხსენო ვალერიან შიუკაშვილის ნათქვამი ლავალეტა მასწავლებელზე. ლავალეტა მასწავლებლისთტვის არ არსებობს კარგი და ცუდი მოსწავლე. ყველა მასწავლებლისთვის არის კარგი და ცუდი და ლავალეტასთვის არის მხოლოდ კარგი მოსწავლეები. ძალიან საჭიროა ასეთი ადამიანები და მასწავლებლები მხოლოდ ქალაქისთვის კი არა მთლიანად ქვეყნისთვის. მისი მოსწავლეები თუ ამ მიმართულებით სწავლას არ გააგრძელებნ კარგი მსმენელები და კარგი ადამიანები მაინც იქნებიან.” – ამბობს თამილა ლაშხია.
თამილა ლაშხია ბარბარე ძნელაძის ბებიაა, რომელიც ლავალეტა წოწორიას დამსახურებით არაერთი კონკურსის გამარჯვებული გახდა. მადლიერმა ბებიამ პედაგოგს მოთხრობაც მიუძღვა სათაურით “უჩველო სიზმარი”, რომელიც მინიატურულ კრებულშია დაბეჭდილი. მადლიერი ბებია პედაგოგს სოციალურ ქსელშიც უძღვნის პოსტს. გთავაზობთ ნაწყვეტს:
2016 წელს 6 წლის პატარა მივიყვანეთ ლავალეტა მასწავლებელთან… ჯილდოებთან ერთად ბარბარე სათუთად ინახავს ლავალეტა მასწავლებლის ნაჩუქარ წიგნს,რომელსაც სამახსოვროდ აწერია შემდეგი სიტყვები:
,,მადლობა უფალს,მადლობა პატარა გრძელნაწნავიან ბარბარეს იმ ბედნიერი წუთებისთვის,რომელიც მრავალჯერ განმაცდევინა…არასოდეს დამავიწყდება ქუთაისის საოპერო თეატრში მქუხარე ოვაციებით სცენაზე რამდენჯერ გიხმობდა აღფრთოვანებული მსმენელი…მადლობა იმ სენსაციურ გამარჯვებისთვის,რაც ბორჯომში მოიპოვე…სამი ჯილდო ერთად რომ წამოიღე(ჟიურის თავმჯდომარე იყო ალექსანდრე კორსანტია) ჯერჯერობით ეს რეკორდი ვერავინ მოხსნა…მადლობა ბარბარე შენ,მადლობა დედას და მამას,ბებოს…მინდა მჯეროდეს რომ უფლის ნებით ასახელებ სამშობლოს.”
მადლობა ლავალეტა მასწავლებელო ყველაფრისთვის! სადღაც წავიკითხე: ,,ცხოვრება ემოციების ჯამი უფროა,ვიდრე დღეების. სწორედ ამიტომ გამორჩეული ემოციებით სავსე წუთები სხვა დანარჩენზე მეტად გვამახსოვრდება”
მადლობა იმ გამორჩეული ემოციებით სავსე წუთებისთვის,რომელიც თქვენც და ჩვენც გაგვყვება სიცოცხლის ბოლომდე. უკვდავების წყარო რომ არსებობდეს და ერთი პეშვის წამოღების უფლება რომ მქონდეს,იმ ერთ პეშვ უკვდავების წყალს თქვენთვის წამოვიღებდი! თქვენ ხართ დაუღალავი,უბერებელი და მინდა იცოცხლოთ ძალიან დიდ ხანს,რომ საქართველოს აღუზარდოთ წარმატებული თაობა.” – წერს სოციალურ ქსელში თამილა ლაშხია.
ლავალეტა წოწორია ფორჩხიძემ განათლება ქუთაისის მელიტონ ბალანჩივაძის სახელობის სამუსიკო სასწავლებელში მიიღო, სადაც პედაგოგ თინათინ ფოჩხუას კლასი დაამთავრა. 1962 წლიდან კი ქუთაისის ზურაბ ანჯაფარიძის სახელობის მესამე სამუსიკო სკოლიდან ქვეყანას არაერთი მუსიკოსი და მსმენელი აღუზარდა.
