მსოფლიოს ერთ-ერთი საუკეთესო აგროუნივერსისტეტის, „ვაგენინგენის უნივერსიტეტის და სამეცნიერო ცენტრის“ (Wageningen Universiteit en Researchcentrum) მეცნიერებმა PATS სისტემა შეიმუშავეს, რომელიც სათბურების მავნებელი მწერების გასანადგურებლად პაწაწინა დრონებს აგზავნის.
PATS-C კომპონენტი წარმოადგენს მოწყობილობას, რომელიც სათბურში განთავსებული და ინტერნეტთან დაკავშირებული რამდენიმე ინფრაწითელი კამერისგან შედგება.
ხელოვნურ ინტელექტზე დაფუძნებული ალგორითმების დახმარებით კამერებს ფრთების დარტყმის სიხშირისა და ზომის მიხედვით ნებისმიერი მწერის აღმოჩენა და ამოცნობა შეუძლიათ.
თუ მწერი სასარგებლო სახეობაა, მაგალითად, ფუტკარი, კამერა მის თვალთვალს წყვეტს. მავნებლის აღმოჩენის შემთხვევაში კი საქმეში PATS-X კომპონენტი ერთვება. სისტემის ეს ნაწილი ერთი ან რამდენიმე პატარა კვადკოპტერისგან შედგება, რომელიც უსადენო დამტენის დოკზეა განლაგებულია.
