როცა ქორწინდებოდნენ მაშინ ვერცერთი იფიქრებდა, რომ გავიდოდა სულ რამდენიმე დღე და 24 წლის გიგი გობეჯიშვილი რეანიმაციაში აღმოჩნდებოდა. ახალგაზრდა წყვილი სულ სხვანაირ მომავალზე ოცნებობდა და სულ სხვანაირი, ფერადი გეგმები ჰქონდათ – ისეთი, როგორზეც ალბათ, ყველა შეყვარებული ოცნებობს…
მწარე რეალობამ ეს წყვილი კლინიკის რეანიმაციამდე მიიყვანა. ისინი გასული წლის 31 აგვისტოს დაქორწინდნენ, სექტემბერში კი მდგომარეობა დამძიმდა და ქირურგიული ჩარევა გახდა საჭირო. მანამდე იყო სიმპტომები, თავის ტკივილი, გულის რევა, გადაადგილების გაძნელება… ექიმთან მისულს ოპერაცია დაუგეგმეს, როცა გიგის მდგომარეობა უარესდებოდა, ექიმი ოჯახს ეუბნებოდა, რომ ეს რეაბილიტაციის პერიოდი იყო.
მეუღლეს თიკო გურგენიძეს ექიმის ნათქვამში ეჭვი შეეპარა და სხვა მედიკოსს მიმართა, სწორედ მაშინ გაირკვა, რომ გიგის ჯანმრთელობის პრობლემები გაცილებით რთული იყო… “პრაიმტაიმი” თიკო გურგენიძეს ესაუბრა, მას ახლა, ჩვენი მკითხველის და საზოგადოების მხარდაჭერის იმედი აქვს. ამბობს, რომ მისი მეუღლის გადარჩენის ერთადერთი გზა საზღვარგარეთ წაყვანაა.
“ენცეფარიტზეა საუბარი, მაგრამ ფორმის დადგენაა ვერ ხერხდება. დღეს, მას მე-6 ოპერაცია უტარდება. გუშინაც მორიგი ოპერაცია გაკეთდა, ზურგის ტვინში სითხე არ ჩაედინებოდა, ახლა გაირკვა, რომ შუნტიც გაიჭედა… თავის ტვინზე გაურკვეველი წანაზარდიც დაფიქსირდა, რომლის სახეობა ჯერ კიდეც უცნობია.
ის ფიტნეს-ინსტრუქტორია და ერთ-ერთ სპორტულ კომპლექსში მენეჯერად მუშაობდა. ქართველი ბიჭებისგან განსხვავებით, ძალიან მოწესრიგებულია, მშვიდი და გაწონასწორებული. მუდმივად აქტიურ სპორტში იყო, ფრენბურთელია და ყველასთან ჯანსაღი ცხოვრების წესის პოპულარიზაციას ეწეოდა, ყველას აფრთხილებდა, რომ ჯანმრთელობის საფუძველი ფიზიკურ აქტიურობაშია და მავნე ჩვევები მას არ ჰქონია.
ჩვენ 31 აგვისტოს დავქორწინდით, 10 დღე ქალაქგარეთ ვიყავით, როცა ჩამოვედით თავის ტკივილი გაუმძაფრდა, გულის რევა დაეწყო, მერე გადაადგილება უჭირდა. ტომოგრაფია რომ გაუკეთეს, ოპერაცია დაიგეგმა, 3 ოპერაცია სრულიად უშედეგო აღმოჩნდა.
გიგის 6 ოპერაცია უკვე ჩაუტარდა და დიაგნოზი ჯერ კიდევ არ არის დასმული. ახლა, ჩვენი ახალშექმნილი ოჯახისთვის ყველაზე მნიშვნელოვანი გიგის თურქეთამდე ჩაყვანაა, რაც კოლოსალური თანხა ჯდება. მხოლოდ რეანომობილი 8 000 ლარი ჯდება. თურქეთშიც, რამდენიმე კლინიკამ გიგის მიღებაზე უარი თქვა, რადგან აქ უკვე მას ოპერაციები გაკეთებული აქვს. თუმცა, ერთი კლინიკა დაგვთანხმდა და იქ რომ წავიდეთ მინიმუმ 10 000 აშშ დოლარი ხელთ უნდა გვქონდეს.
არავის შეწუხება არ გვინდოდა, აქამდე ჩვენი და ახლობლების ხელშეწყობით მოვედით, 6 თვეა კლინიკაშია და მას აქამდე რაც სჭირდებოდა გვეყო, მაგრამ უკვე ყველანაირი რესურსი ამოვწურეთ. ამიტომ, კეთილი ადამიანების ერთიანობის იმედი დაგვრჩა, სხვა არაფერი…” – ამბობს თიკო გურგენიძე.
დახმარების მსურველებს შეგიძლიათ თანხა შემდეგ ანგარიშის ნომრებზე ჩაურიცხოთ:
