უცხოური ჟურნალი Nature-ი უახლეს კვლევას აქვეყნებს, რომლის მიხედვით, ორგანიზმში D ვიტამინის ნაკლებობა შესაძლოა, კორონავირუსით ინფიცირების ზრდას განსაზღვარვდეს ან იწვევდეს.
ამის შესახებ ბელგიელი მეცნიერი, სტეფან ვილრანდი საუბრობს. როგორც გამოცემა აღნიშნავს, შემოდგომაზე ევროპის ქვეყნებში ინფიცირებულთა რაოდენობა მკვეთრად გაიზარდა, რაც შესაძლოა, ამ ქვეყნების მდებარეობის არეალს უკავშირდებოდეს, რადგან რამდენადაც ნაკლებად გამომუშავდება ორგანიზმში D ვიტამინი, კორონავირუსის შემთხვევები იმდენად იზრდება.
“შემოდგომაზე ბევრ ევროპულ ქვეყანაში მკორონავირუსით დაინფიცირების შემთხვევები მკვეთრად გაიზარდა. ბევრმა ჩათვალა, რომ ეს ტემპერატურის სეზონურ კლებას უკავშირდება. თუმცა, ძირითადი ფაქტორი შესაძლოა ამ ქვეყნების გეოგრაფიული მდებარეობა და ორგანიზმში D ვიტამინის დონის კლება გახდა” – ვარაუდობს ბელგიელი მეცნიერი სტეფან ვილრანდი.
მან თავისი კვლევის დასკვნები ჟურნალ Nature-ში გამოაქვეყნა:
„მკვლევარმა 18 ქვეყნის ბოლო 2 თვის ახალი დაინფიცირების მაჩვენებლები გააანალიზა, რომლებიც 39-დან 62 განედამდე მდებარეობენ. მან ვერანაირი კავშირი ვერ იპოვა ტემპერატურულ მაჩვენებლებს ან ტენიანობასა და კოვიდითდაავადებულთა მაჩვენებლის ზრდას შორის, თუმცა შენიშნა პირდაპირი კორელაცია ქვეყნის გლობუსზე მდებარეობასთან.
დაინფიცირების ზრდის მრუდის მკვეთრი ზრდა იმ პერიოდს დაემთხვა, როცა ულტრაიისფერი გამოსხივების დღეღამური დოზა ეკვადორზე ანალოგიური მაჩვენებლის 34%-ით ეცემოდა.
შესაბამისად, მზის სხივის ნაკლებობის გამო ადამიანებში დე ვიტამინის გამომუშავება ქვეითდებოდა, რაც დაავადების ზრდას უწყობდა ხელს.
მეცნიერი ხაზს უსვამს, რომ ულტრაიისფერი გამოსხივება არ არის მთავარი მიზეზი, რაც დაინფიცირების მაჩვენებელს აუარესებს, თუმცა შეიძლება ერთ–ერთი განმსაზღვრებიფაქტორი იყოს.” – აღნიშნულია სტატიაში.
