იმ დროს, როდესაც ქვეყანა გლობალურ პანდემიას ებრძვის, არ ვთვლი, რომ ეს პრინციპული საკითხია, – ასე უპასუხა პრემიერ-მინისტრმა, გიორგი გახარიამ “ევროპული საქართველოს” ერთ-ერთი ლიდერის, გიგა ბოკერიას კითხვას, რატომ არ ჩამოკიდეს 26 მაისს დროშები.
როგორც გახარიამ პარლამენტის პლენარულ სხდომაზე სიტყვით გამოსვლისას განაცხადა, ვინაიდან, ქვეყანაში სოციალური ცხოვრება შეზღუდულია, 26 მაისს ყველაფერი ლიმიტირებულად გაკეთდა.
“ნუ, ახლა, სხვა თუ არაფერი გაქვთ, რომ ეროვნული დროშები რატომ არ ჩამოვკიდეთ… ჩვენ აბსოლუტურად გააზრებულად გავაკეთეთ ასეთი რამ – 26 მაისი აი, ასეთ დროს, როდესაც სოციალური ცხოვრება შეზღუდულია, ეს ყველაფერი გავაკეთეთ ლიმიტირებულად. ვთვლი, რომ ეს იყო სწორი. დავზოგეთ ბევრი რამ. შესაბამისად, იმ დროს, როდესაც ქვეყანა ებრძვის გლობალურ პანდემიას, არ ვთვლი, რომ ეს პრინციპული საკითხია”, – განაცხადა გახარიამ.
