საქართველოსა და აშშ-ს შორის რეგულარული პირდაპირი ფრენა არ ხორციელდება. მიუხედავად იმისა, რომ კერძო სექტორი ორ წელზე მეტია მზად არის, მზაობას ამერიკული მხარეც, საჯარო განცხადებებით ადასტურებს.
საქართველოში ამერიკის შეერთებული შტატების ელჩის, კელი დეგნანის განცხადებით, საელჩო აქტიურად მუშაობს, რომ აშშ-ს და საქართველოს შორის პირდაპირი ფრენები დაინიშნოს.
დეგნანის თქმით, ამერიკის საელჩო ცდილობს ქართული ბიზნესის წარმომადგენლები ამერიკულ ბიზნესწრეებთან დააკავშიროს, რაშიც მისი განმარტებით, “წარმატება აქვთ“. ელჩმა, ეს ბოლო პრესკონფერენციაზე განაცხადა. საკითხი კი, წლებია დღის წესრიგშია, თუმცა ხელშესახები შედეგები ამ დრომდე არ დამდგარა.
“აშშ-ში ფრენების დაწყება საკმაოდ კომპლექსური საკითხია. ამისთვის მზად უნდა იყოს არა მხოლოდ ავიაკომპანია, არამედ მთლიანად ქვეყანაც. უნდა ჩატარდეს აშშ-ს საავიაციო ხელისუფლების საერთაშორისო აუდიტი. შესაბამისად, ეს არის საკმაოდ გრძელვადიანი პროცესი და ამ ეტაპზე ეს პროცესი არ დაწყებულა”, – აცხადებდა თამარ არჩუაძე.
„ბიზნესპრესნიუსი“ დაინტერესდა, რა ღირს ჩარტერული რეისით თვითმფრინავის დაქირავება საქართველოდან აშშ-ს მიმართულებით.
jetoneaviation-ის ოფიციალურ გვერდის მონაცემები ასეთია: ფრენა თბილისიდან ნიუ-იორკის მიმართულებით მინიმუმ 195 000 დოლარიდან იწყება და 377 350 დოლარს აღწევს. საუბარია 20 ადამიანზე ნაკლები ტევადობის თვითმფრინავებზე.
ფასი კი იცვლება თარიღისა და ფრენის დროის მიხედვით.
თბილისიდან ვაშინგტონის მიმართულებით ფრენის მინიმალური ღირებულება 215 300 დოლარია.
222 750 აშშ დოლარია საწყისი ფასი თვითმფრინავის დაქირავებისთვის თბილისიდან ჩიკაგოს მიმართულებით.
