„მცხეთის სამედიცინო ცენტრის“ კლინიკური დირექტორი, ლიკა მუმლაძე ამბობს, რომ ხალხი დადგენილ წესებს არ იცავს და ერთად მაინც იკრიბება.
კლინიკური დირექტორი შეზღუდვების გამკაცრების მომხრეა, თუმცა აღნიშნავს, რომ მხოლოდ გამკაცრება ვერაფერს იზამს, თუ ხალხმაც არ დაიცვა წესები. ლიკა მუმლაძის თქმით, მის სანაცნობიშიც ბევრია ისეთი, რომელიც იუბილეს ან სხვა დღესასწაულს სახლში ჩვეულებრივად იხდის.
„რა მნიშვნელობა აქვს რესტორნის დაკეტვას, თუკი ის 20 კაცი წავა, ვიღაცის ბინაში შეიკრიბება და გადაიხდის დაბადების დღეს? აქ რესტორნის და კაფის კედელს არ აქვს მნიშვნელობა. აქ მნიშვნელოვანია ადამიანების თავყრილობა. არც გარეთ უნდა აღვნიშნოთ ასეთი რაღაც და არც სახლში.
კი ბატონო, იმუშაოს რესტორანმა, მივიდეს ადამიანი, ისადილოს თუ წესს დაიცავს, მაგრამ ჩვენ გვიჭირს წესების დაცვა“,- ამბობს ლიკა მუმლაძე.
