ცოტა ხნის წინ ექსპერტებმა უკვე განაცხადეს იმის შესახებ, რომ თამბაქოს და ელექტრონული სიგრეტის მოწევა კორონავირუსით ინფიცირების რისკებს ზრდის, ახლა კი ამ სიას მარიხუანის მოწევაც დაემატა.
კალიფორნიის უნივერსიტეტის თამბაქოს კონტროლის კვლევითი ცენტრის წარმომადგენელმა, დოქტორმა სტენტონ გლენცმა ამის შესახებ SF Weekly-სთან ინტერვიუში განაცხადა.
“თამბაქოს ან ელექტროსიგარეტის მოწევა გრიპს არ იწვევს, მაგრამ მწეველი ადამიანები, მათ შორის პასიური მწეველები უფრო მგრძნობიარენი არიან გრიპის ვირუსის მიმართ. მათ ვირუსი ადვილად ემართებათ, რადგან მოწევა ფილტვების იმუნურ ფუნქციებს ასუსტებს. მიუხედავად იმისა, რომ ჯერჯერობით კოვიდ-19-თან დაკავშირებით სრულ მონაცემებს არ ვფლობთ, მაინც შესაძლებელია ანალიზის ჩატარება გრიპთან ანალოგიით.
თუ თამბაქოს და მარიხუანის მოწევას ერთმანეთს შევადარებთ, ეს არც ისე განსხვავებული პროცესებია. ერთგან ნიკოტინი გვაქვს, მეორეგან TCH, მგრამ ნიკოტინი იმუნოლოგიური რეაქციების დაქვეითების მთავარ მიზეზს არ წარმოადგენს, ასე რომ უდიდესი ალბათობით, მარიხუანის მოწევაც იწვევს ფილტვების იმუნური ფუნქციების დაქვეითებას.” – ამბობს გლენცი.მისი თქმით, სამწუხაროდ ამასთან დაკავშირებით ბევრი კვლევა არ არსებობს, თუმცა პროფესორი იმედს გამოთქვამს, რომ უახლოეს ხანებში ჩატარდება კვლევები მარიხუანის მოწევასა და კორონავირუსით ინფიცირების რისკის გაზრდას შორის კავშირის შესახებ.
მწელები კორონავირუსის რისკ-ჯგუფს მიაკუთვნა ბრიტანელმა პროფესორმა კრის ვიტიმ, რომლის თქმითაც, მწეველობა დამატებითი სისუსტეა ორგანიზმისათვის ვირუსთან ბრძოლაში და თუ მოწევისათვის თავის დანებებას აპირებდით, ახლა ამისათვის იდეალური დროა.
წყარო:Digests.pia.ge
