საინტერესო ცნობები კუჭის გრიპის შესახებ „თბილისელების“ მკითხველისთვის ?
კუჭის გრიპი, იგივე ნოროვირუსი, მთელი მსოფლიოსთვის დიდი პრობლემაა, რადგან ის არაბაქტერიული გასტროენტერიტია. ვირუსი ადვილად ვრცელდება და ადამიანის სხეულის გარეთ რამდენიმე დღის განმავლობაში შეუძლია დარჩენა. თუნდაც მნიშვნელოვანი ტემპერატურული ცვლილებების პირობებში.
მისი სიმპტომები დაინფიცირებიდან 12-48 საათში ვლინდება. მაგრამ, სიმპტომების გამოვლენამდეც შესაძლოა, ის სხვა ადამიანს გადაედოს.
ნოროვირუსს ხშირად „ზამთრის ღებინების ჭიას“ უწოდებენ, რადგან უფრო ხშირი შემთხვევები ზამთარში ხდება, თუმცა დაინფიცირებისგან წელიწადის სხვა დროსაც არ ვართ დაზღვეული. ამასთანავე, შესაძლოა, ამ ვირუსით რამდენჯერმე დაავადდეთ.
კუჭის გრიპის – ნოროვირუსის ძირითადი სიმპტომებია:
? უეცარი გულის რევა და ღებინება – ეგრეთ წოდებული,„შადრევანივით ღებინება“
? ძალიან თხელი, წყლიანი დიარეა, ფხვიერი განავალი
? ტკვილი და სპაზმი მუცლის არეში
? სიცხე და შემცივნება
? სისუსტე
? თავისა და კუნთების ტკივილი
? გაუწყლოება, რაც განსაკუთრებით საშიშია პატარებისა და მოხუცებისათვის, ასევე, ცუდი იმუნიტეტის მქონე და სხვადასხვა დაავადების მატარებელი ადამიანებისთვის.
ნოროვირუსის სიმპტომები ვლინდება სამი დღის განმავლობაში, თუმცა, შესაძლოა, ადამიანი ორი კვირის განმავლობაშიც იყოს მისი მატარებელი და სხვასაც გადასდოს.
დაავადების შემთხვევაში, აუცილებელია ბევრი სითხის მიღება. თუ მადა გაქვთ, აუცილებლად გადადით ჯანსაღ კვებაზე. კუჭის გრიპის დროს შეგიძლიათ, მიირთვათ წვნიანები, ბრინჯი, მაკარონი, კარტოფილი, ახალი ხილი, მოხარშული ბოსტნეული და სასარგებლო ცილები.
ნოროვირუსისგან პროფილაქტიკისთვის:
? დაიბანეთ ხელები საპნით
? კარგად გარეცხეთ ხილი და ბოსტნეული, მით უმეტეს, თუ მათ უმად ჭამთ
? მოერიდეთ უმი ზღვის პროდუქტებს
? არ მიირთვათ ამ დაავადების მქონე ადამიანის მიერ მომზადებული საკვები
? ზედაპირები დაასუფთავეთ ქლორით
? თუ მისი სიმპტომები გაქვთ, 2-3 დღით დარჩით შინ. მოერიდეთ საზოგადოებრივი თავშეყრის ადგილებს, ეს ვირუსი ძალიან გადამდებია და მისი გავრცელება მარტივად ხდება
? არ ენდოთ ალკოჰოლის შემცველ ხელის საწმენდებს, რადგან ისინი ვერ კლავენ ვირუსს
? პირადი პირსახოცი და თეთრეული არ გამოაყენებინოთ სხვებს
? ჩაუტარეთ დეზინფექცია იმ ზედაპირებს, რომელიც შეიძლება, იყოს ინფიცირებული
? თეთრეული, პირსახოცები ან საცვლები, რომლებიც შეიძლება, ინფიცირებული იყოს, გარეცხეთ ცალკე და ცხელ წყალში
? კუჭში გასვლის ან ღებინების შემდეგ სასწრაფოდ გაასუფთავეთ მიმდებარე ადგილებიც
? დაბინძურებულ ნივთებთან შეხებისას აუცილებლად გამოიყენეთ რეზინის ან ერთჯერადი ხელთათმანები და შემდეგ საგულდაგულოდ დაიბანეთ ხელები. ასევე საგულდაგულოდ გარეცხეთ ნივთები, რომელსაც დაინფიცირებული შეეხო
