ქუთაისში, ბანკის “კრედო” რუსთაველის ქუჩაზე მდებარე ფილიალი მესამე დღეა დაკეტილია.
როგორც “მეგა ტვ”-სთვის გახდა ცნობილი ამის მიზეზი ფილიალში კორონავირუსის დაფიქსირებაა.
როგორც “მეგა ტვ”-ს “კრედო ბანკის” კომუნიკაციების დეპარტამენტიდან აცნობეს, 16 სექტემბერს ქუთაისის აღნიშნულ ფილიალში ერთ თანამშრომლეს ვირუსი დაუდასტურდა და თანამშრომლები თვითიზოლაციაში გადავიდნენ:
“უპირველეს ყოვლისა გაცნობებთ, რომ კრედო ბანკი პანდემიის პერიოდშიც და ახლაც მუშაობდა და მუშაობს დაავადებათა კონტროლის ცენტრისა და ჯანმოს რეკომენდაციების შესაბამისად.
რაც შეეხება ქუთაისის სერვისცენტრთან დაკავშირებულ ინფორმაციას, დადასტურებული შემთხვისთანავე 16 სექტემბრიდან „ქუთაისი 1“ სერვსიცენტრი დაკეტილია დაავადებათა კონტროლისა ეროვნული ცენტრის რეკომედნაციების შესაბამისად. ამასთან, მომენტარულად გადავიყვანეთ ყველა თანამშრომლი იზოლაციაში და მიმდინარეობს მათი ტესტირების პროცესი.
ამ ეტაპზე დაზუსტებით შეგვიძლია ვთქვათ რომ მხოლოდ 1 თანამშრომელს დაუდგინდა ახალი კორონა ვირუსი.
რაც შეეხება სერვისცენტრის მიერ სამუშაო პროცესის განახლებას, კრედო ბანკი უპირველეს ყოვლისა ზრუნავს მისი თანამშრომლების, მომხმარებლების და საზოგადოების უსაფრთხოებაზე
შესაბამისად, სამუშაო პროცესის განახლება მოხდება რეკომენდაციით გათვალისიწინებული სამუშაოების ჩატარების შემდეგ.” – აცნობეს “მეგა ტვ”-ს “კრედო ბანკის” კომუნიკაციების დეპარტამენტიდან.
ამასთან, როგორც “მეგა ტვ”-ს წყარომ აცნობა ინფიცირებული თანამშრომლის ოჯახის 5 წევრს ასევე დადასტურებული ჰქონდა კოვიდ19.
16 სექტემბერს “მეგა ტვ” ასევე ესაუბრა დაავადებათა კონტროლისა და საზოგადოებრივი ჯანმრთელობის ეროვნული ცენტრის იმერეთის სამმართველოს ეპიდემიოლოგს მაკა წილოსანს, რომელმაც განაცხადა რომ მიმდინარეობდა მოკვლევა.
კომენტარი ასევე გააკეთა ქუთაისის საზოგადოებრივი ჯანდაცვის ცენტრის დირექტორმა მაია ნადარეიშვილმა.
“ინკასატორს, რომელიც ბათუმში იმყოფებოდა და “კრედო ბანკს” ემსახურება დაუდასტურდა კორონავირუსი, სხვა ინფორმაციას ამ ეტაპზე არ ვფლობ” – განუცხადა “მეგა ტვ”-ს მაია ნადარეიშვილმა.
