დღეს, ბაჩალიაშვილის საქმეზე ქვემო ქართლის დეპარტამენტში საგამოძიებო ექსპერიმენტი ჩატარდება.
საუბარია, ავტომობილში აღმოჩენილი მწერების შემადგენლობისა და ხანდაზმულობის დადგენაზე.
ექსპერტიზამ უნდა გაარკვიოს, შეიცავს, თუ არა გვამის აღმოჩენისას ნანახი მწერები იმ მედიკამენტების ქიმიურ შემადგენლობას, რაც ბაჩალიაშვილის სხეულში იქნა აღმოჩენილი.
ასევე, ვინაიდან კითხვის ნიშნებს სვამს ოჯახი გარდაცვალების დროსთან დაკავშირებით, შესაძლოა განისაზღვროს რა პერიოდის გასული მანქანაში აღმოჩენილი მწერების წარმოშობიდან, მათ აღმოჩენამდე.
მისი თქმით, მან მანქანაში ბუზები აღმოაჩინა.
„მსხვილი ბუზები აღმოვაჩინე მე მანქანაში, ალბათ თქვენც დაინახავთ. ოთახში სანამ შევდიოდი, კარებთან ვნახე. მაშინვე ვუთხარი ადვოკატს, ნახე ისეთი ბუზები, როგორიც მანქანაში იყო მეთქი.
მე არაფერი არ მომითხოვია. რასაც ვითხოვ, ორი თვე გავიდა და არაფერზე პასუხი არ არის, ბუზებზე ხომ არ მოვითხოვდი არაფერს. ესენი თვითონ წელავენ, რაღაც ზღაპრულ სცენებს ქმნიან და დროს კლავენ. ჩანს ფაქტი თვალწინ. რაც საჭიროა, მკვლელის პოვნაა, არ ეძებენ და ბუზებს ეძებენ ხალხო”, – განაცხადა ჯუმბერ ბაჩალიაშილმა
primetime.ge
