უკრაინის პრეზიდენტმა ვოლოდიმირ ზელენსკიმ, Facebook-ის ოფიციალურ გვერდზე, უკრაინელი მებრძოლებისა და მშვიდობიანი მოქალაქეების ფოტოები გამოაქვეყნა. პრეზიდენტმა ფოტოებს ტექსტიც დაურთო.
„ხუთი თვე. რვა წლის შემდეგ. ომმა უკრაინა ვერ გატეხა და ვერც გატეხს. მან ვერ შეაჩერა სიცოცხლე ჩვენს ქვეყანაში და ვერც შეაჩერებს. ის, რაც დამპყრობლებმა ჩვენს ქვეყანას მოუტანეს, ნამდვილად არ დაგვაქცევს ამ საშინელების მძევლებად. ჩვენ არ დავემორჩილებით, გავუძლებთ, დავიცავთ იმას, რაც ჩვენია, ჩვენ გავიმარჯვებთ!“, – წერს ზელენსკი.
