მშიერი გარდაცვლილების გასვენებებს დავიწყებთ ქუთაისში – პარტიის “თავისუფალი საქართველო” იმერეთის ბიუროს ხელმძღვანელი გოგი წულაია ქუთაისის მერიას არაადეკვატურ ქმედებებში ადანაშაულებს. ამის მაგალითად მას მერიის მიერ ძელ-სკამების შესაძენად გამოცხადებული 181 500 ლარიანია ტენდერი მოყავს.
“როგორც იცით გუშინ ტენდერი გამოაცხადეს ძელ-სკამების საყიდლად 181 500 ლარის. ვთვლი რომ იმ დროს, როდესაც ცენტრალურ ხელისუფლებას ასე თუ ისე გასიგრძეგანებული აქვს რა პრობლემებშია ქვეყანა და რა პრობელემების წინაშე დადგება ქვეყანა, არა მარტო ეს ქვეყანა, არამედ მთელი მსოფლიო, ჩვენდა სამწუხაროდ არავის არ ეცლება ჩვენს მოსავლელად და მისახედად, იგრძნობა რომ ქალაქის მერს ეს არ აქვს გასიგრძეგანებული. მე მას პირადად შემიძლია დღესვე მივუტანო ათობით ოჯახის გვარი, სახელი, მისამართი, რომლებიც გუშინ ნამდვილად დაწვნენ მშივრები და ნამდვილად დაწვნენ ყოველგვარი ენერგიის მიღების გარეშე. ქალაქი, სადაც პირბადე არ იყიდება და ამ დროს ფიქრობენ ძელ-სკამები როგორ იყიდონ და თანხას ხარჯავენ, ნუ ვთვლი რომ ამოვარდნილი ხარ ყოველგვარი კონტექსტიდან და საერთოდ არ გაქვს წარმოდგენა რა პროცესები მიმდინარეობს ქალაქში და რა პროცესების წინაშე დადგება ეს ქალაქი. ასობით ადამიანი შიმშილობს ამ წუთას და ეს პროცესი თუ დიდხნიანი იქნება მაშინ ათასობით ოჯახს მივიღებთ. პირდაპირი გაგებით მშიერი გარდაცვლილების გასვენებებს დავიწყებთ ქუთაისში თუ ამას დროზე არ მიეხედა. ” განაცხადა გოგი წულაიამ.
ქუთაისის მერიაში გოგი წულაიას განცხადებასთან დაკავშირებით კომენტარს არ აკეთებენ, თუმცა აღნიშნავენ, რომ ქალაქში ინფრასტრუქტურული სამუშაოები არ შეჩერებულა, რაც შეეხება ძელსკამებს სატენდერი პირობების მიხედვით ქუთაისის მერია 60 ძელ-სკამების შეძენა-მონტაჟს გეგმავს. მათი განთავსება ქალაქის სკვერებსა და კორპუსების ეზოებში იგეგმება.
