საქართველო სპრეზიდენტმა სალომე ზურაბიშვილმა, გიორგი შაქარაშვილის საქმეზე გაკეთებული განცხადება განმარტა და აღნიშნა რომ მისი განცხადება ჟურალისტებმა არასწორად გაიგეს.
„მე დავიღალე თქვენი ბულინგით… თუ არ გესმით ქართული თქვენი პრობლემაა. მე გამასაღოთ როგორც პრომოძალადე, ეს სასაცილოა, არ მითქვამს არც ჩხუბი და არც – გარჩევა. ვაჟკაცობა არის აღიარებაში და მონანიებაში, მეტი არაფერი მაქვს სათქმელი.“ – აცხადებს პრეზიდენტი
https://www.facebook.com/TvMtavari/videos/283199229567875/?t=7&v=283199229567875
შეგახსენებთ, რომ საქართველოს პრეზიდენტმა სალომე ზურაბიშვილმა 19 წლის ფეხბურთელის, გიორგი შაქარაშვილის საქმეზე საუბრისას განაცხადა, რომ ჯგუფული ძალადობა მიუღებელი და არაქართულია.
„არ ვიცოდი, რომ საქართველოში ამდენი გამომძიებელი იყო. მე არ გახლავართ გამომძიებელი და არც ვაპირებ, რომ გავხდე. პროკურატურას რომ მივანდოთ ეს საქმე და ყველა არ ერეოდეს, ბევრად უფრო კარგი იქნებოდა და უფრო წავიდოდა წინ ეს საქმე. მე ვაჟკაცობა ვიცი ერთი-ერთზე, არ ვიცი ჯგუფური, აგრესიული და ძალადობა ადამიანებზე, ეს არის ძალიან მიუღებელი, არაქართული და მგონია, რომ ჩვენ უნდა დავუბრუნდეთ ჩვენს ღირებულებებს. კიდევ უფრო მაღალი დონის ვაჟკაცობა არის აღიარება და მონანიება. ამაზე დავფიქრდეთ ყველა და ასე გავზარდოთ ჩვენი ახალგაზრდები არა ტყუილით, დამალვით და ჯგუფური ძალადობით,“ – განაცხადა სალომე ზურაბიშვილმა.
