“მადლობა, რომ დედამ იმედით იცოცხლა” – ქალი, რომლის გადარჩენასაც შვილები ნიკა და რატი ქართველიშვილები ტაქსაობით ცდილობდნენ გარდაიცვალა. ამის შესახებ „ფეისბუქზე“ ნიკა ქართველიშვილი წერს.
54 წლის მაია ქართველიშვილს მწვავე ლეიკემია ივნისში დაუდგინდა. სამკურნალოდ ის თურქეთში გადაიყვანეს. მკურნალობის საწყისი ეტაპისთვის ოჯახს 150 000 დოლარი სჭირდებოდა.
დედის დასახმარებლად ბიჭებმა თბილისში ტაქსაობა გადაწყვიტეს, მანქანაზე წარწერით „#მაიასთვის დავამარცხოთ ლეიკემია“. ოჯახს უამრავი გულშემატკივარი გამოუჩნდა, შეიქმნა „ფეისბუქის“ გვერდი „მაიასთვის“, სადაც სიმსივნით დაავადებულ ქალს და მის ოჯახს მორალურად ამხნევებდნენ, მათ საბანკო ანგარიშზე კი მსურველები თანხასაც რიცხავდნენ.
ოჯახისა და ექიმების მცდელობის მიუხედავად, ქალის გადარჩენა ვერ მოხერხდა.
