ულამაზესი ლიკა ქავჟარაძის ფოტო ცნობილი პორტუგალიელი მწერლის, ჟოზე რენტეს დე კარვალიუს რომანის, „ერნესტინას“ იტალიური თარგმანის გამომცემლებმა შეარჩიეს.
ჟოზე რენტეს დე კარვალიუს ამ რომანის იტალიური თარგმანი ლიკა ქავჟარაძის ფოტოთი „ამაზონზე“ დევს, თუმცა ამ დროისთვის ყველა ეგზემპლარი გაყიდულია.
ჟოზე რენტეს დე კარვალიუ (José Rentes de Carvalho, დაიბ. 1930 წ.), მწერალი და ჟურნალისტი,
თანამედროვეობის ერთ-ერთი ყველაზე მნიშვნელოვანი პორტუგალიელი ავტორია. მისი რომანი „ერნესტინა“ ავტობიოგრაფიულია – იგი დიდი ნიჭით და იუმორით გვიამბობს თავის ბავშვობის მოგონებებზე, თავის წინაპრებზე, თავის ცხოვრებაზე… ერნესტინა – ავტორის დედის ნამდვილი სახელია და, ამავე დროს, მისი რომანის უშიშარ გმირს ჰქვია. კარვალიუს „ერნესტინა“ (1998 წ.) მე-20 საუკუნის შედევრად ითვლება.
იტალიური გამოცემა, რომელის ყდაზეც ლიკა ქავჟარაძის ფოტოა, იტალიის წიგნის მაღაზიებში 2013 წლიდან გამოვიდა.
nostal.ge
