კრისტიან ერიქსენს იმპლანტირებად კარდიოვერტერ-დეფიბრილატორს ჩაუყენებენ.
ეს არის მოწყობილობა, რომელიც ყოველ წამს აკონტროლებს პაციენტის გულისცემას და საქმეში ერთვება მაშინ, როდესაც სახიფათო არითმიას შეამჩნევს.
დანიისა და ფინეთის მატჩის პირველ ტაიმში ერიქსენი მინდორზე დაეცა. მას 15 წუთის განმავლობაში სასწრაფო დახმარება აღმოუჩინეს, რის შემდეგაც საავადმყოფოში გადაიყვანეს. მოგვიანებით ცნობილი გახდა, რომ 29 წლის ფეხბურთელს გული გაუჩერდა. ამჟამად, ერიქსენი კლინიკაში იმყოფება სტაბილურ მდგომარეობაში.
