ქუთაისის საკრებულოს თავმჯდომარე ირაკლი შენგელია რიონისპირა სახლების რეაბილიტაციას საკითხს ეხმაურება. შენგელიას განმარტებით პროექტის დაგვიანების მიზეზი დროში გაწელილი სამართლებრივი დავა და სხვა რიგი მიზეზების შედეგია:
“აღნიშნული პოსტის შინაარსი იმ მოქალაქეების პასუხია, რომელიც სიუჟეტში ასახავს მათ სირთულეს.
უპირველეს ყოვლისა უნდა აღინიშნოს, რომ მოქალაქეებზე და მათ საჭიროებებზე არის აგებული ნებისმიერი ის ინიციატივა, პროექტი რომელსაც ცენტრალური ხელისუფლება და ადგილობრივი თვითმმართველობა ახორციელებს.
რიონისპირა სახლების პროექტირებაზე მგფ-მა შესაბამისი კანონმდებლობით ტენდერი გამოაცხადა. პროექტირების პროცესშივე წარმოიშვა სამართლებრივი დავა, რაც წლების განმავლობაში სასამართლო განხილვის საგანია. შესაბამისად ამ ეტაპზე აღნიშნულ საკითხს შეექმნა სამართლებრივი წინააღმდეგობა, ასევე ეს პროექტი თავისი შინაარსით არის მასშტაბური და ბევრ კომპონენტს მოიცავს, მათ შორის- კერძო საკუთრების საუკეთესო ინტერესების დაცვას, მათი ფინანასურ უზრუნველყოფას, შემდგომი ეკონომიკური განვითარების შესაძლებლობას, ასევე მისასვლელი გზის საკითხი, პარკირება და ა.შ.
კრიტიკულად განწყობილი პოლიტიკური თუ მედია ჯგუფი კარგად რომ ხედავდეს, იმ ფაქტს, რომ რიონისპირა სახლების უშუალო ურბანული ნაწილის იმ სივრცეებთან ერთად რეაბილიტაცია, რომლის სამუშაოებიც ამ ეტაპზე მიმდინარეობს ქალაქის ისტორიულ ნაწილში არის შეუძლებელი. ყველა ხედავს, თუ რა მასშტაბის სამუშაოები განცხორციელდა და ხორციელდება ქალაქის ისტორიულ ნაწილში, ეს პროცესი არის შეუქცევადი ხასიათის და მოიცავს სრულად ქალაქის ისტორიულ ნაწილს:
– კულტურული მემკივდრეობის ძეგლების რეაბილიტაცია, 2023-2024 წლებში სრულიად განახლდა ქალაქის ცენტრი, ხორციელდება ვარლამიშვილის, ჯაჭვის ხიდისა და მწვანე ბაზრის მიმდებარე ქალაქის ისტორიული ნაწილის სრულფასოვანი რეაბილიტაცია. აქტიური პროექტირების ფაზაშია რიონის სანაპირო ზოლისა და ბოტანიკურ ბაღთან დამაკავშირებელი საფეხმავლო ხიდის პროექტირების პროცესი. ამავდროულად იგივე მოხდება და სრულად რეაბილიტირებული იქნება გაპონოვის ქუჩა და მიმდებარე ისტორიული ინფრასტრუქტურა.
აქტიური განახლების პროცესშია და სულ მალე, მიმდინარე წლის, 2 მაისს ვიხილავთ ქალაქის ერთ-ერთი მნიშვნელოვანი ცენტრალური ბულვარის განახლებულ ინფრასტრუქტურას. ამ მასშტაბის და ამხელა ფინანსური რესურსის მობილიზება უშუალოდ დაკავშირებულია მთავრობის, საქართველოს რეგიონალური განვითარებისა და ინფრასტრუქტურის სამინისტროს, მათ შორის მუნიციპალური განვითარების ფონდის უშუალო მხარდაჭერით, რისთვისაც მინდა განსაკუთრებული მადლობა გადავუხადო მათ.
ამ პროექტებს, ჩვენი ქალაქისთვის აქვს ე.წ შემდგომი განვითარების, მათ შორის კარგად ჩამოყალიბებული ეკონომიკური შესაძლებლობების გაზრდის დასაბუთება. ქუთაისისთვის უმნიშვნელოვანესი პროექტია ოპერის თეატრის რეაბილიტაცია, რომელიც დარწმუნებული ვარ გამორჩეული და ბევრად განსხვავებული იქნება თავისი ახალი ტექნიკური თუ პროფილური სახელოვნებო ატრიბუტით.
აქვე მედიის მხრიდან სხვადასხვა საკითხების ინსპირაციის და შემდგომი სიუჟეტური ფორმირების მიზნით, მნიშვნელოვანია რაღაც დოზით მაინც იყოს ჩართული მხარე, თუნდაც საკითხის საპასუხოდ.” წერს შენგელია.
უნდა აღვნიშნოთ რომ მეგა ტვ-მა წერილობით გამოითხოვა ინფორმაცია მუნიციპალური განავითარების ფონდიდან თუ რა ეტაპზე იყო რიონისპირა სახლების რეაბილიტაციის პროექტი. რაზეც პასუხად მივიღეთ:
“რაც შეეხება იმ საკითხს, იგეგმება თუ არა ფონდის მიერ ქ. ქუთაისში რიონისპირა სახლების და
ასევე დავით კაკაბაძის სახელობის ქუთაისის სახვითი ხელოვნების გალერიის სარეაბილიტაციო
პროექტების განხორციელება, გაცნობებთ, რომ ამ დროისთვის დამტკიცებულ ფონდის პროექტებში არ არის გათვალისწინებული მათი განხორციელება. ქ. ქუთაისში რიონისპირა სახლების პროექტთან
დაკავშირებით მხარეთა შორის სასამართლოში წარმოებული დავა დასრულებულია.”
პროექტების განხორციელების დაპირება 2018 წლის ნოემბერში გაიცა. ადგილზე იმყოფებოდა მუნიციპალური განავითარების ფონდის ხელმძღვანელი გიორგი შენგელია:
