ირაკლი ღარიბაშვილი რუსთავის მე-12 ციხეში გადაიყვანეს. ის სასამართლო დარბაზში დააპატიმრეს. სხდომას მხოლოდ თავად ბრალდებული ღარიბაშვილი, მისი ადვოკატები, პროკურორები და ბადრაგები ესწრებოდნენ. ოცნების ყოფილ პრემიერმინისტრს საპროცესო შეთანხმების ფარგლებში 5-წლიანი პატიმრობა, 1 მილიონიანი ჯარიმა, 2 მანქანის ჩამორთმევა და დანაშაულებრივი საქმიანობით მიღებული შემოსავლების ჩამორთმევა განესაზღვრა
„ბრალდებულ ირაკლი ღარიბაშვილთან საპროცესო შეთანხმება შედგა, რომლის მიხედვითაც ირაკლი ღარიბაშვილი ცნობილ იქნა დამნაშავედ 194-ე მუხლის, მესამე ნაწილის „გ“ ქვეპუნქტით გათვალისწინებული დანაშაულის ჩადენაში, რაც გულისხმობს უკანონო შემოსავლის ლეგალიზაციას, რასაც თან ახლავს განსაკუთრებით დიდი ოდენობით შემოსავლის მიღება. შესაბამისად, სასამართლოს წარვუდგინეთ შუამდგომლობა საქმის არსებითი განხილვის გარეშე განაჩენის გამოტანის თაობაზე, რომლის მიხედვითაც სასამართლომ იგი დამნაშავედ ცნო წარდგენილ ბრალდებაში და სასჯელის სახედ და ზომად განუსაზღვრა 5 წლით თავისუფლების აღკვეთა. მასვე ჩამოერთვა დანაშაულის საქმიანობის შედეგად მიღებული ქონება და დამატებითი სასჯელის სახედ და ზომად 1 მილიონი ლარის ოდენობით ჯარიმა განსაზღვრა.[ჯარიმის გადახდის] დრო განსაზღვრული არ არის, ამაზე კონტროლს აღსრულების ეროვნული ბიურო აწარმოებს. ირაკლი ღარიბაშვილმა სასამართლო პროცესზე აღიარა ჩადენილი დანაშაული. სწორედ ეს გახდა მასთან საპროცესო შეთანხმების გაფორმების საფუძველი. იგი დაეთანხმა წარდგენილ პირობებს და შესაბამისად, გაფორმდა საპროცესო შეთანხმება“ [IPN] | განაცხადა ღარიბაშვილის საქმის პროკურორმა ნათია თათიაშვილმა ჟურნალისტებთან
პროკურორის განცხადებით, მოცემულ შემთხვევაში საქმეში წარმოდგენილი იყო მოწმის არაერთი ჩვენება, თუმცა კონკრეტულ სახელებსა და გვარებს ის ვერ დაასახელებს. კითხვაზე, ხომ არ დგას კითხვის ნიშნის ქვეშ, რომ ღარიბაშვილის ოჯახს, ქონების სახით, ქარხანა ჩამოერთვას, პროკურორმა უპასუხა, რომ არა ირაკლი ღარიბაშვილს საპროცესო შეთანხმებით დღეს 5-წლიანი პატიმრობა განესაზღვრა. პატიმრობასთან ერთად 1 მილიონი ლარის ჯარიმა დაეკისრა და ჩხრეკის დროს ამოღებული ნაღდი ფულიც ჩამოერთვა
