დღეის მდგომარეობით, ბოლო 24 საათის განმავლობაში გამოვლენილი ვირუსით ინფიცირების 3 071 ახალი დადასტურებული შემთხვევიდან 264 იმერეთში გამოვლინდა, – ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.
ამ ეტაპზე ინფიცირების მიმდინარე აქტიური შემთხვევებიდან იმერეთის საავადმყოფოებშკ 1 241 პირი მკურნალობს, მათ შორის მძიმე პაციენტია – 214, ხელოვნური სუნთქვის აპარატზე იმყოფება 42.
იმერეთის კოვიდ-სასტუმროში 262 ადამიანია მოთავსებული. საკარანტინე სივრცეებში იმყოფება 33.
ამ ეტაპისთვის იმერეთში თვითიზოლაციაში იმყოფება 4 951 ადამიანი.
დღევანდელი მონაცემებით, გამოჯანმრთელებულ ადამიანთა რაოდენობა აჭარბებს ინფიცირებულები პირების რიცხვს. ბოლო 24 საათში გამოჯანმრთელდა 3 366 პირი, ხოლო ჯამში გამოჯანმრთელებულთა რაოდენობა გაიზარდა – 95 581-მდე.სამწუხაროდ, უკანასკნელი 24 საათის განმავლობაში გვაქვს კორონავირუსით გარდაცვალების 34 ახალი შემთხვევა. 2020 წლის 26 თებერვლიდან დღემდე სულ გვაქვს 1 085 გარდაცვალების შემთხვევა.
