ქუთაისში, მეტალურგიული ქარხნის თანამშრომლები დახმარებას ითხოვენ. დღეს პარტია”თავისუფალი საქართველოს” იმერეთის ბიუროს ხელმძღვანელმა გოგი წულაიამ საკითხთან დაკავშირებით ბრიფინგი გამართა. როგორც მან განაცხადა ქარხანაში მუშების ნაწილს სურს მუშაობის შეწყვეტა, ნაწილი კი მზადაა საგანგებო რეჟიმის დროსაც იმუშაოს. გოგი წულაიამ კორონავირუსის გავრცელების ფონზე დასაქმებულთათვის არსებულ საფრთეებსა და სამომავლო რისკებზე ისაუბრა:
“მუშების ნაწილი გაყოფილია, არიან მუშები, რომელებიც თუ ამ ერთი თვის ხელფასს არ აიღებენ მშიერი არ მოკვდებიან, ან სოფელი აქვთ ან რაღაც, ისინი ითხოვენ გაგვიშვით და დაგვასვენეთო, მეორე ნაწილია, რომელიც თუ კი დაასვენე იმ თვეში მშიერი მოკვდებიან, ისინი ითხოვენ ვიმუშაოთო.
მინდა ხელისუფლებას მოვუწოდო, ის ნაბიჯები რაც გადაიდგა, ვთვლი რომ სწორია, მაგრამ ეს არის უკვე ნახევრად გადადგმული ნაბიჯი, რადგან ვერავინ ვერ ამიხსნის, თუ კი ეკლესიაში ლოცვის დროს შეიძლება კორონა გადაგედოს, რატომ არ შეიძლება ქარხანაში გადაგედოს, როცა 200 კაცია და ალბათობა იმის რომ კორონა გავრცელდება, უფრო მეტია. ამიტომ ხელისფელბას მოვუწოდებ პრევენციაში დახარჯოს ფული, ანუ თანამონაწილეობით ეს მუშები დაითხოვონ და მისცენ ხელფასი. ფერო ამ მუშების ხარჯზე მილიონებს შოულობს და კეთილი ინებონ და თვითონ დაასვენონ ეს მუშები ერთი თვით. ყველა ბიზნესს უნდა მიუდგეს ხელისუფლება თავისებურად. თუ ბიზნესია, რომელიც სულს ღაფავს მას ხელისუფლებამ დაუფაროს სრულად ხელფასები, თუ ბიზნესია და ზემოგებებზე საუბრობს კეთილი ინებოს და გაიმეტოს ეს ფული და ყველა საწარმო გააჩეროს. როდესაც მეუბნებიან რომ ქელეხი არ შეიძლება, მაშინ მუშაობა შეიძლება? ვერ გავიგე. ეს რა არის, ამას რა ქვია. ამიტომ სასწრაფოდ მიიღოს ღონისძიებები, გაჩერტოს ყველა საწარმო. იმიტომ რომ შემდეგი პროცესი, ღმერთმა დაგვიფაროს, მეტი ძვირი დაჯდება” – განაცხადა გოგი წულაიამ.
პოლიტიკოსმა ხელისუფლებას ასე მოუწოდა გამოაქვეყნონ თუ რა უდებათ ერთი დღით მარნეულის ჩაკეტვა. “ღმერთმა ნუ ქნას დიდ ქალაქს მოუნდეს მასე ჩაკეტვა. იმას ან შეძლებენ ან ვერა, იმიტომ კი არა რომ არ უნდათ, იმიტომ რომ ადამიანური რესურსი არ ეყოფათ, ექიმების ადამიანური რესურსი არ ეყოფათ.” – ამბობს გოგი წულაია.
საქართველოში საგანგო რეჟიმი 21 მარტს ერთი თვით გამოცხადდა. ხელისუფლებას მოსახლეობას მოუწოდეს დარჩნენ სახლში, აკრძალალულია საქალაქთაშორისო მოძრაობა
