საქართველოს კულტურის, სპორტის და ახალგაზრდულ საქმეთა მინისტრმა თეა წულუკიანმა საფრანგეთში ლევილის მამულის მმართველი კომიტეტის პირველი სხდომა გამართა.
აღნიშნული კულტურული სივრცე, რომელსაც “პირველი დემოკრატიული რესპუბლიკის ისტორიული და კულტურული ქართულ-ფრანგული მემორიალური ცენტრი” უწოდეს, მმართველობაში კულტურის სამინისტროს გადაეცა.
სამინისტროს ვალდებულებაა , 10 წლის ვადაში მამულის სრული რეაბილიტაცია განახორციელოს.
სარეაბილიტაციო სამუშაოების შემდგომი სამოქმედო გეგმის თაობაზე იმსჯელეს ლევილის მამულის მმართველის კომიტეტის პირველ სხდომაზე, რომელსაც თეა წულუკიანი ხელმძღვანელობდა.
სხდომაში მასთან ერთად მონაწილეობდნენ კომიტეტის წევრები ირენ ციციშვილი, ტიერი ბერიშვილი, ოთარ ზურაბიშვილი და ნინო კალატოზიშვილი.
ასევე, თბილისიდან ონლაინ ფორმატში სხდომის მუშაობაში ჩაერთო კომიტეტის წევრი გოჩა ჯავახიშვილი.
