გიორგი მთიულიშვილის თქმით, 1-წლიანი დახურვის შემდეგ, გასართობი ცენტრების 30% ბაზარს ვეღარ დაუბრუნდა.
,,პანდემიამდე დედაქალაქში დაახლოებით 100 ობიექტი იყო, დღეს კი მათი რაოდენობა 70-ია. დანამდვილებით შემიძლია გითხრათ, რომ მერია იყო ერთადერთი ორგანო, რომელმაც ჩვენი თხოვნის და აქციის გარეშე გადაწყვიტა დახმარება. რამდენიმე კვირის წინ, ისინი დაგვიკავშირდნენ და გვთხოვეს მონაცემების გადაგზავნა, რათა ჩავესვით რომელიმე პროგრამაში, რაც მაშინვე ძალიან გაგვიკვირდა.
ჩვენს შემთხვევაში ეს იყო მერის ინიციატივა, რაც მისასალმებელია და აუცილებლად უნდა ვთქვა, რომ რეგიონებში დარჩა მთელი საქართველოს მასშტაბით 30-მდე ცენტრი. ადგილობრივი თვითმმართველობები და მუნიციპალიტეტები მათ შემთხვევაშიც თუ გულისხმიერებას გამოიჩენენ, ეს იქნება უმნიშვნელოვანესი“, – განაცხადა მთიულიშვილმა ,,ბიზნესპრესნიუსთან“.
ცნობისთვის, პანდემიით გამოწვეული ზიანის შესამსუბუქებლად დედაქალაქის მერია ბავშვთა დაბადების დღის ცენტრებსაც დაეხმარება. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა. მისივე თქმით, დედაქალაქის მერია აღნიშნული პროგრამის ფარგლებში 70-მდე ობიექტს დაეხმარება, რისთვისაც 350 ათასი ლარი დაიხარჯება. თითოეული ცენტრი კი დახმარების სახით 5 000-5 000 ლარს მიიღებს.
bpn .ge
