ლეჩხუმში, ცაგერთან ახლოს სოფელ ბარდნალაში „ლადო ასათიანის სახლ-მუზეუმი” უკვე 3 საუკუნეა დგას და ამ წლების ისტორიას ინახავს.
სახლში კედლები და ფანჯრები უცვლელადაა შემონახული.
მუზეუმის კედელზე ლადოს ცხოვრების ამსახველი და მასთან დაკავშირებული ადამიანების ფოტოებია გამოკრული. აქ ნახავთ პოეტის საყვარელ ნივთებს, ხელნაწერელ ლექსებს, უძველეს ჭურჭელს, საოჯახო ფოტოებს და ვერასდროს დაივიწყებთ ლადო ასათიანი საძინებლიდან ხედს, რომელიც მთებსა და ველზე იშლება. ფანჯრის წინ დგას პოეტის სამუშაო მაგიდა.
მთავარ ოთახში ხის ტახტი დგას, რომელიც ლადოს ბაბუის მამის გაჯორკილია. ლადომ ამ ტახტზე 1941 წელს ლექსიც კი დაწერა – „უკანასკნელად პაპიჩემის გაჯორკილ ტახტზე დამიგეთ”
ლექსი “რა კარგი იყო ბარდნალა” პოეტმა 23 წლის ასაკში დაწერა.
ლადო ასათიანი 1917 წელს დაიბადა და 1943-ში 26 წლის ტუბერკულოზით გარდაიცვალა.
ლადო ასათიანის სახლ-მუზეუმი ქუთაისიდან 62 კილომეტრში ლეჩხუმში, სოფელ ბარდნალაში მდებარეობს. მანქანით აქ მოსახვედრად ერთ საათზე ცოტა მეტი დრო დაგჭირდებათ.
რაც შეეხება ტრანსპორტს, მარშრუტები ქუთაისში “მაკდონალდსთან” მდებარე სადგურიდან ყოველ დღე 11:00; 14:00 და 16:00 საათზე გადის, ცაგერიდან კი ყოველდღიურად 08:00 და 09:00 საათზე გამოდის. მგზავრობის ღირებულება 5-6 ლარია.
მუზეუმში შესასვლელი ბილეთი 2 ღირს.
