დავით გარეჯის კომისიის წევრის, ნატალია ილიჩოვას საცხოვრებელ სახლში, ასევე დავით-გარეჯის კომისიის ყოფილი თავმჯდომარის ივერ მელაშვილის ოფისში ჩხრეკა მიმდინარეობს. ამის შესახებ ინფორმაციას ”რუსთავი2” ავრცელებს.
“კურიერის” ექსკლუზიური ინფორმაციით, სწორედ ნატალია ილიჩოვაა ის პირი, ვისგანაც გამოძიებამ 1938 წლის რუკის ორიგინალი ამოიღო. სავარაუდოდ, სწორედ ამას უკავშირდება მიმდინარე საგამოძიებო მოქმედებები მის სახლში.
ასევე, ჩხრეკა მიმდინარეობს დავით-გარეჯის კომიიის ყოფილი თავმჯდომარის ოფისში. სამართალდამცველები ივერ მელაშვილის სამუშაო ოთახშიც საგამოძიებო მოქმედებებს ატარებენ.
ცნობისთვის, საქართველოს გენერალური პროკურატურის საგამოძიებო ნაწილში სისხლის სამართლის საქმეზე, უცხო ქვეყნისთვის საქართველოს ტერიტორიის ნაწილის გადაცემისკენ მიმართული მოქმედების განხორციელების ფაქტზე საქართველოს სისხლის სამართლის კოდექსის 308-ე მუხლის პირველი ნაწილით გათვალისწინებული დანაშაულის ნიშნებით გამოძიება დაიწყო.
