გერმანიის თავდაცვის სამინისტრომ წყალდიდობის გამო ქვეყნის დასავლეთ ნაწილში სამხედრო კატასტროფის რეჟიმი გამოაცხადა. ამის შესახებ უწყების წარმომადგენელმა ბერლინში გამართულ ბრიფინგზე განაცხადა.
შესაბამისი გადაწყვეტილება საგარეო საქმეთა მინისტრმა, ანეგრეტ კრამპ-კარენბაუერმა მიიღო.
სამინისტროს წარმომადგენელმა განმარტა, რომ სტიქიის შედეგების აღმოფხვრაში ბუნდესვერის 850 ჯარისკაცი მონაწილეობს.
მედიის ცნობით, სტიქიის მსხვერპლთა რაოდენობამ 100 ადამიანს გადააჭარბა. კიდევ 1,3 ათასი მოქალაქე უგზო-უკვლოდ დაკარგულად ითვლება.
გერმანიაში,ორშაბათიდან წვიმები გრძელდება, რომლებიც ციკლონ “ბერნდით” არის გამოწვეული. სტიქიამ უმეტესად ქვეყნის დასავლეთ და სამხრეთ-დასავლეთ რეგიონებს დაარტყა, სადაც მდინარეები, რაინის ჩათვლით, ნაპირებიდან გადმოვიდა და ქუჩები დატბორა.
დატბორილი გზების და დანგრეული ხიდების გამო ზოგიერთ დასახლებამდე მისვლა შეუძლებელია. ჩრდილოეთ რაინ-ვესტფალიის ხუთ რაიონში ევაკუაცია მიმდინარეობს, რადგან კაშხლის გარღვევის საფრთხე არსებობს. რაინ-ერფტის რაიონში საგანგებო მდგომარეობაა გამოცხადებული.
წყალდიდობა არა მხოლოდ გერმანიაში, არამედ ბელგიასა და ნიდერლანდებშიც არის.
