უკრაინის პრეზიდენტი, ვოლოდიმირ ზელენსკი ევროპული ქვეყნების პარლამენტების წინაშე სიტყვით გამოსვლას აგრძელებს.
დღეს, ვიდეო ბმულით, მან ლიეტუვის დეპუტატებთან ისაუბრა და ყურადღება რუსეთისთვის ენერგეტიკული ემბარგოს დაწესების აუცილებლობაზე გაამახვილა.
“ევროკავშირი უკვე განიხილავს ომის გამო რუსეთის წინააღმდეგ სანქციების მეექვსე პაკეტს და ჯერჯერობით უცნობია დაუწესდება თუ არა რუსულ ნავთობს სანქციები. ბუჩასა და სხვა ქალაქებში მასობრივი ხოცვა-ჟლეტის ნახვის შემდეგაც კი, ევროკავშირის არაერთი ქვეყანა ვერ იღებს გადაწყვეტილებას, მაინც როდის შეზღუდავენ რუსული ენერგორესურსების შესყიდვას მნიშვნელოვნად. ასობით ევროპულ კომპანიასა და ბანკს არათუ ჯერ კიდევ არ უთქვამს უარი რუსულ ბაზარზე მუშაობაზე, არამედ, ისინი ასევე გამოხატავენ აშკარა ზიზღს რუსეთის ფედერაციის სამხედრო მანქანის დაფინანსების შეწყვეტის მოთხოვნის საპასუხოდ, მათი აქციზის გამო რუსეთის ფედერაციაში”,- თქვა ზელენსკიმ.
