როგორც კი ადამიანები კითხვებზე პასუხს იღებენ, მოდიან ჩვენთან ერთად და იცრებიან – ამის შესახებ ალერგოლოგმა ბიძინა კულუმბეგოვმა განაცხადა.
“მოსახლეობის დიდ ნაწილს გადაწყვეტილი აქვს, რომ ვაქცინა მათთვის არის სასიცოცხლო გადარჩენის მედიკამენტი, მაგრამ მათ აქვთ იდივიდუალური სამედიცინო ისტორიები, რომელზე პასუხსაც ვერ იღებენ.
სამწუხაროდ ეს არის პრობლემა. როგორც კი გაეცემათ არგუმენტირებული პასუხი, მზად არიან აცრისთვის.
სამწუხაროდ ასაკის მატებასთან ერთად თანხმლები დაავადებები ჩვენი განუყოფელი ნაწილია, მაგრამ როგორც კი პასუხებს იღებენ, 90% მოდის ჩვენთან ერთად და იცრება.
ურეკავენ სახლში, მეზობლებს, ახლობლებს, რომ მოვიდნენ და ჩვენთან ერთად აიცრან.
ამიტომ ეს ინტერვენციები უნდა ხდებოდეს, “დესანტის გადასხმას” უნდა ჰქონდეს ძალიან მასიური ხასიათი.
არ არის საკმარისი სამმა და ოთხმა ექიმმა იაროს, ამას უნდა ჰქონდეს სახელმწიფოს მხრიდან მიზანმიმართული კამპანიის ხასიათი”, – თქვა ბიძინა კულუმბეგოვმა.
